Calístenes de Olinto
| Biografía | |
|---|---|
| Nacemento | c. 360 a. C.  Olinto, Grecia (pt)  |
| Morte | 327 a. C. (32/33 anos) |
| Causa da morte | pena de morte |
| Actividade | |
| Ocupación | historiador, escritor |
| Familia | |
| Parentes | Aristóteles, tío |
| Descrito pola fonte | The Nuttall Encyclopædia >>>:Callis`thenes Dicionario Enciclopédico Brockhaus e Efron Real'nyj slovar' klassicheskih drevnostej po Ljubkeru |
Calístenes, en grego antigo Καλλισθένης, en latín Callisthenes, foi un historiador grego do século III a. C. orixinario de Olinto (en grego Ὄλυνθος, en latín Olynthus), na península calcídica. Acompañou a Alexandre Magno nas súas expedicións asiáticas e deixou constancia escrita; tamén foi autor doutras obras historiográficas, pero na actualidade non se conserva ningunha obra de Calístenes. Atribúeselle falsamente o coñecido romance de Alexandre, e o seu autor é xeralmente coñecido como Pseudo-Calistenes.[1]
Por parte da súa nai era sobriño de Aristóteles, quen foi o seu mestre e recomendouno a Alexandre, acompañándoo nas súas expedicións a Asia como cronista oficial. Caendo en desgraza, en -327 foi acusado de conspiración e detido en Bactria e preso nunha gaiola de ferro. Dise que a causa foi a súa negativa a axeonllarse ante Alexandre como emperador.[2]
As súas obras principais foron Os Helenos e a Historia de Alexandre, das que só quedan fragmentos tirados de citas doutros autores. Os Helenos trataron o período desde a Paz de Antalcides, que puxo fin á Guerra de Corinto entre Esparta e Atenas, Corinto, Tebas e Argos; até o comezo da Guerra focense. A Historia de Alexandre foi unha crónica das conquistas de Alexandre, de grande valor porque Calístenes viviunas de primeira man. Aínda que se perdeu a orixinal, utilizárona numerosos autores e consérvanse varios testemuños e citas directas, entre elas unha descrición da batalla de Issos e outra da batalla de Gaugamela.[2]
Notas
[editar | editar a fonte]- ↑ "Calístenes de Olinto". L'Enciclopèdia.cat. Barcelona: Grup Enciclopèdia Catalana. (en catalán)
- ↑ 2,0 2,1 Louise, Marie. Callisthenes. Encyclopaedia Iranica.
Véxase tamén
[editar | editar a fonte] |
A Galipedia ten un portal sobre: Grecia antiga |
