Barstar

Barstar
O complexo fortemente unido formado por barstar e a barnase. Esta última é unha ribonuclease á cal a barstar inhibe. A barstar está coloreada con diferentes cores segundo as súas estruturas secundarias, e a barnase está coloreada de azul.[1]
Identificadores
Símbolo	Barstar
Pfam	PF01337
InterPro	IPR000468
SCOPe	1brs / SUPFAM
Estruturas proteicas dispoñibles: Pfam   estruturas / ECOD   PDB RCSB PDB; PDBe; PDBj PDBsum resumo de estruturas PDB 1b2sD:2-89 1bgsG:2-89 1x1wD:2-89 1x1xD:2-89 1brsD:2-89 1b27F:2-89 1bta :2-89 1ab7 :2-89 1b3sE:2-89 1b2uF:2-89 1x1yE:2-89 1x1uE:2-89 1ay7B:2-89 1a19B:2-89 1btb :2-89 1l1kA:2-20

Barstar é o nome dunha pequena proteína sintetizada pola bacteria Bacillus amyloliquefaciens. A súa función é inhibir a actividade ribonuclease do encima barnase, ao cal se une formando un complexo unido de modo extraordinariamente forte dentro da célula bacteriana, antes de que se segregue a barnase.^[2][3] A expresión da barstar é necesaria para contrarrestar o efecto letal da expresión da barnase activa dentro da célula. A estrutura do complexo barnase-barstar xa foi determinada.^[4]

A barstar (e tamén a barnase) é unha proteína dunha soa cadea polipeptídica pequena moi axeitada para facer estudos sobre o pregamento de proteínas e as interaccións proteína-proteína.^[5]

A interacción entre o inhibidor barstar e a barnase é rápida en parte pola agrupación de catro residuos cargados negativamente (Asp35, Asp39, Glu76 e Glu80) na superficie da barstar por onde se une á barnase. Estas cargas negativas dirixen o inhibidor cara ao sitio activo da barnase cargado positivamente.^[6]