Arenaria (ave)

Para outras páxinas con títulos homónimos véxase: Arenaria.

Arenaria

Arenaria interpres en plumaxe reprodutivo.

Arenaria melanocephala en plumaxe reprodutivo.

Reino:	Animalia
Filo:	Chordata
Subfilo:	Vertebrata
Clase:	Aves
Subclase:	Neornithes
Infraclase:	Neoaves
Orde:	Charadriiformes
Familia:	Scolopacidae
Xénero:	Arenaria Brisson, 1760

Especie tipo

Tringa interpres
Linnaeus, 1758

Especies

Véxase o texto

Sinonimia

Véxase o texto

Arenaria é un xénero de aves da familia dos escolopácidos, integrado por só dúas especies, que son coñecidas vulgarmente co nome de virapedras.^[1]

Son limícolas estreitamente relacionadas coas especies do xénero Calidris, polo que algús autores considáranas membros da tribo dos calidriinos.^[2]

Taxonomía

Descrición

O xénero foi descrito en 1760 polo zoólogo e filósofo francés Mathurin Jacques Brisson,^[3]^[4]^[5] no traballo:

Brisson, M.-J.; Dwight, J.; Laetvaerennydt; Martinet, F. N.; Tucker, M. B.; Vaernewyck. (1760): Ornithologie, ou, Méthode contenant la division des oiseaux en ordres, sections, genres, especes & leurs variétés : a laquelle on a joint une description exacte de chaque espece, avec les citations des auteurs qui en ont traité, les noms quils leur ont donnés, ceux que leur ont donnés les différentes nations, & les noms vulgaires. 6: 1-543, pls: I-VI.^[3]

Etimoloxía

o nome científico Arenaria Brisson tirouno do adxectivo latino arēnārius, -a, -um, "que vive na area", derivado de arēna, -æ, "area"".^[6]

Sinónimos

Ademais de polo nome actualmente válido, o xénero coñeceuise tamén polos sinónimos:^[3]^[4]

Arenarius Dumont, 1805
Morinella Meyer & Wolf, 1810
Strepsialis Hay, 1841
Strepsilas Illiger, 1811
Strepsilus Nuttall, 1834
Cinclus Merrem, 1804
Cinclus Möhring, 1758

Especies

No xénero recoñécense as seguintes dúas especies:^[3]^[4]^[5]

Arenaria interpres (Linnaeus, 1758)
Arenaria melanocephala (Vigors, 1829)

Características

Ambas as especies son limícolas de tamaño mediano. A súa lonxitude adoita estar entre os 20 e os 25 cm, cunha envergadura alar entre os 50 e os 60 cm, e unha masa corporal entre os 110 e os 130 g. Comparadas con outras limícolas, a súa constitución é rexa, e con picos curtos, lixeiramente revirados, en forma de cuña. O seu forte pescozo e os seus picos potentes e lixeiramente revirados están adaptados á súa técnica de alimentación.^[7]

Costumes

Son estritamente costeiros, e prefiren as praias pedregosas ás de area, e adoitan compartir espazo na praia con outras especies de limícolas, como o pilro escuro. Como o seu nome vulgar indica, estas especies viran pedras, algas e elementos similares en busca de presas, diversos invertebrados que baixo estes elementos se ocultan e que constitúen o seu principal alimento, dieta que complementan con peixes en descomposición. Ao alimentarse, poden facelo de maneira illada, en grupos pequenos, ou incluso en grandes bandadas; nesta última agrupación é a maneira en que realizan as migracións.^[7]

Reprodúcense no alto Ártico, e son migratorios.^[7]

Constrúen niños solitarios cerca da costa. Esconden o niño entre a vexetación. As femias poñen ovos de co verdecente con manchas apardazadas, que son chocados por ambos os proxenitores. Os ovos eclosionan despois de 22 a 24 días.^[7]

O seu aspecto en voo é rechamante, con manchas brancas no dorso, ás e cola.^[7]

Distribución

Habitan en praias mariñas de todo o mundo, aínda que nidifican só nas rexións árticas.^[8]

Nidifican entre maio e principios de agosto en rexións árticas de Alasca, Canadá, Groenlandia, Islandia, o norte da Europa continental e Asia. No inverno migran cara ao sur en busca de climas máis adecuados, chegando até a costa pacífica de Estados Unidos, no caso de Arenaria melanocephala, e nas costas de África, Asia, Europa, Oceanía, Suramérica (até o arquipélago da Terra do Fogo). Unha parte da poboación que chega ao hemisferio sur non regresa ao norte ao chegar o outono austral, pasando todo o inverno nas mesmas praias onde invernan, e cambiando a súa plumaxe pola reprodutora, aínda que non manifestan actitudes de nidificación.

Notas

↑ Conde Teira, M. A. (1999): "Nomes galegos para as aves ibéricas: lista completa e comentada". Chioglossa 1: 121-138. Consultada o 5 de setembro de 2022.
↑ Thomas, Gavin H.; Wills, Matthew A. & Székely, Tamás (2004): "A supertree approach to shorebird phylogeny". BMC Evolutionary Biology 4: 28. (Texto completo).
↑ ^3,0 ^3,1 ^3,2 ^3,3 Arenaria Brisson, 1760 no GBIF. Consultado o 5 de setembro de 2022.
↑ ^4,0 ^4,1 ^4,2 Arenaria Brisson, 1760 na BioLib. Consultada o 5 de setembro de 2022.
↑ ^5,0 ^5,1 Arenaria Brisson, 1760 no WoRMS. Consultado o 5 de setembro de 2022.
↑ Jobling, James A (2010): The Helm Dictionary of Scientific Bird Names. London: Christopher Helm. ISBN 978-1-4081-2501-4, páxina 54.
↑ ^7,0 ^7,1 ^7,2 ^7,3 ^7,4 Svensson, Lars et al (2010): Collins Bird Guide 2nd ed. New York: HareprCollins. ISBN 978-0-0072-6814-6.
↑ Clements, J. F., T. S. Schulenberg, M. J. Iliff, B. L. Sullivan & C. L. Wood. (2011): The Clements checklist of birds of the world: Version 6.6. Consultada o 7 de setembro de 2022.

Véxase tamén

Outros artigos

[1] Conde Teira, M. A. (1999): "Nomes galegos para as aves ibéricas: lista completa e comentada". Chioglossa 1: 121-138. Consultada o 5 de setembro de 2022.

[2] Thomas, Gavin H.; Wills, Matthew A. & Székely, Tamás (2004): "A supertree approach to shorebird phylogeny". BMC Evolutionary Biology 4: 28. (Texto completo).

[G-3] 3,0 ^3,1 ^3,2 ^3,3 Arenaria Brisson, 1760 no GBIF. Consultado o 5 de setembro de 2022.

[BL-4] 4,0 ^4,1 ^4,2 Arenaria Brisson, 1760 na BioLib. Consultada o 5 de setembro de 2022.

[W-5] 5,0 ^5,1 Arenaria Brisson, 1760 no WoRMS. Consultado o 5 de setembro de 2022.

[6] Jobling, James A (2010): The Helm Dictionary of Scientific Bird Names. London: Christopher Helm. ISBN 978-1-4081-2501-4, páxina 54.

[S-7] 7,0 ^7,1 ^7,2 ^7,3 ^7,4 Svensson, Lars et al (2010): Collins Bird Guide 2nd ed. New York: HareprCollins. ISBN 978-0-0072-6814-6.

[8] Clements, J. F., T. S. Schulenberg, M. J. Iliff, B. L. Sullivan & C. L. Wood. (2011): The Clements checklist of birds of the world: Version 6.6. Consultada o 7 de setembro de 2022.

[1]