Anna Paquin

Anna Paquin

(2018)
Biografía
Nacemento	(en) Anna Hélène Paquin 24 de xullo de 1982 (42 anos) Winnipeg, Canadá
Residencia	Venice (pt)
Educación	Windward School (en) (–2000) Universidade Columbia Raphael House Rudolf Steiner School (en) Hutt Intermediate School (en) Windward School (en)
Cor do pelo	Louro
Actividade
Ocupación	actriz de teatro, actriz de cinema, actriz de televisión
Período de actividade	1993 -
Familia
Cónxuxe	Stephen Moyer (2010–)
Premios
(2017)  Paseo da Fama do Canadá (2009)  Golden Globe Award de melhor atriz em série dramática (pt) , premiado polo traballo True Blood (2002)  Theatre World Award (1993)  Óscar á mellor actriz secundaria, premiado polo traballo The Piano
Descrito pola fonte	Obálky knih,

Anna Hélène Paquin, nada en Winnipeg (Canadá) o 24 de xullo de 1982, é unha actriz neozelandesa.^[1][2]

O primeiro filme co que acadou sona internacional foi The Piano, de Jane Campion, grazas ó que gañou o Óscar á mellor actriz secundaria en 1994, cando tiña once anos, converténdose deste xeito na segunda persoa máis nova en acadar este premio.^[3][4] Despois do éxito en The Piano, a súa traxectoria como actriz colle folgos unha década máis tarde con papeis en filmes como She's All That, Almost Famous e X-Men, sendo neste último onde interpreta a Pícara, papel polo cal é amplamente coñecida.

Malia gañar o premio Óscar tan nova logrou manter unha carreira coherente e moita discreción na súa vida privada. Actualmente, Paquin conseguiu recoñecemento da crítica polo seu papel como Sookie Stackhouse na serie de True Blood e foi premiada co Globo de Ouro á mellor actriz en serie de televisión dramática no 2009.^[5]

É filla de Mary Paquin (Brophy, apelido de solteira) mestra de inglés nada en Nova Zelandia e do canadense Brian Paquin, mestre de educación física.^[6] Ten un irmán, Andrew (1977),^[7] e unha irmá, Katya (1980).^[8] Á idade de catro anos marchou coa súa familia a Lower Hutt en Nova Zelandia.

En 1995 produciuse o divorcio dos seus pais e cando tiña 15 anos, trasladouse coa súa nai aos Ánxeles para impulsar a súa carreira como actriz. Cando rematou o instituto trasladouse a Nova York, onde se matriculou na Universidade de Columbia e asistiu as clases durante un ano, ata que decidiu deixar os estudos para continuar como actriz. No 2001, adquiriu a nacionalidade neozelandesa, de xeito que posúe dobre nacionalidade canadense e neozelandesa, aínda que ela se considera abertamente neozelandesa.^[9][10]

Está casada co seu compañeiro do elenco de actores de True Blood, Stephen Moyer, que encarnou o seu mozo tamén na ficción.^[11] Anna e Stephen comezaron a saír pouco despois das audicións para a serie, pero non confirmaron a súa relación até febreiro de 2009. Seis meses despois anunciaron que estaban prometidos para casaren o 21 de agosto do seguinte ano en Malibú. Por mor da rodaxe de True Blood, Paquin trasladouse a Venice nos Ánxeles en 2007.

En 2009, Paquin interpretou a Irena Sendler, unha muller polaca heroína do Holocausto, no filme O corazón valente de Irena Sendler, un filme biográfico baseado no libro Mother of the Children of the Holocaust: The Irena Sendler Story, de Anna Mieszkowska.^[12]

En 2019, tivo un papel no filme de Martin Scorsese The Irishman, que foi aclamado pola crítica.^[13] Ese mesmo ano tamén produciu e protagonizou a serie de televisión Flack^[14] e apareceu na serie de televisión The Affair.^[15] En 2021, interpretou a muller de Kurt Warner no filme, American Underdog.^[16]

Wikimedia Commons ten máis contidos multimedia na categoría:  Anna Paquin