Anfiesmenópteros

Celastrina argiolus (Lepidoptera)

Reino:	Animalia
(sen clasif.)	Euarthropoda
Clase:	Insecta
(sen clasif.):	Panorpida
(sen clasif.):	Amphiesmenoptera Kiriakoff, 1948

Subgrupos

Os anfiesmenópteros (Amphiesmenoptera) constitúen un grupo de insectos clasificado xeralmente como superorde, establecido por S. G. Kiriakoff,^[1] pero a miúdo atribuído a Willi Hennig na súa revisión da taxonomía dos insectos, para dúas ordes irmás: Lepidoptera (bolboretas e avelaíñas) e Trichoptera. En 2017, engadiuse ao grupo unha terceira orde fósil, os Tarachoptera.^[2]

Os Trichoptera e Lepidoptera comparten varios caracteres derivados (sinapomorfias) que demostran a súa descendencia común, que son:

As femias, en vez dos machos, son heterogaméticas (é dicir, os seus cromosomas sexuais son diferentes).
Presentan densos pelos ou sedas nas ás (modificados en escamas nos Lepidoptera).
Teñen un particular padrón de venación nas ás anteriores (as veas anais de dobre bucle).
As larvas teñen estruturas bucais e glándulas para producir e manipular seda.^[3]

Así estas dúas ordes existentes son irmás, sendo os Tarachoptera basais a ambos os grupos. Amphiesmenoptera probablemente evolcionou no Xurásico.^[3] Os Lepidoptera difiren dos Trichoptera en varias características, incluíndo a venación das ás, formación de escamas nas ás, perda dos cercos, perda dun ocelo, e cambios nas patas.^[3]

Pénsase que Amphiesmenoptera é un grupo irmán de Antliophora, unha superorde proposta que comprende os Diptera (moscas), Siphonaptera (pulgas) e Mecoptera (moscas escorpión). En conxunto, Amphiesmenoptera e Antliophora compoñen o grupo Mecopterida.^[4]

Notas

↑ S. G. Kiriakoff (1948). "A classification of the Lepidoptera and related groups with some remarks on taxonomy". Biologisch Jaarboek 15: 118–143.
↑ Wolfram Mey; Wilfried Wichard; Patrick Müller; Bo Wang (2017). "The blueprint of the Amphiesmenoptera – Tarachoptera, a new order of insects from Burmese amber (Insecta, Amphiesmenoptera)". Fossil Record 20 (2): 129–145. doi:10.5194/fr-20-129-2017.
↑ ^3,0 ^3,1 ^3,2 D. Grimaldi; M. S. Engel (2005). Evolution of the Insects. Cambridge University Press. ISBN 0-521-82149-5.
↑ M. F. Whiting; J. C. Carpenter; Q. D. Wheeler; W. C. Wheeler (March 1997). "The Strepsiptera problem: phylogeny of the holometabolous insect orders inferred from 18S and 28S ribosomal DNA sequences and morphology". Systematic Biology 46 (1): 1–68. PMID 11975347. doi:10.1093/sysbio/46.1.1.

[1] S. G. Kiriakoff (1948). "A classification of the Lepidoptera and related groups with some remarks on taxonomy". Biologisch Jaarboek 15: 118–143.

[Tarachoptera-2] Wolfram Mey; Wilfried Wichard; Patrick Müller; Bo Wang (2017). "The blueprint of the Amphiesmenoptera – Tarachoptera, a new order of insects from Burmese amber (Insecta, Amphiesmenoptera)". Fossil Record 20 (2): 129–145. doi:10.5194/fr-20-129-2017.

[G&E-3] 3,0 ^3,1 ^3,2 D. Grimaldi; M. S. Engel (2005). Evolution of the Insects. Cambridge University Press. ISBN 0-521-82149-5.

[4] M. F. Whiting; J. C. Carpenter; Q. D. Wheeler; W. C. Wheeler (March 1997). "The Strepsiptera problem: phylogeny of the holometabolous insect orders inferred from 18S and 28S ribosomal DNA sequences and morphology". Systematic Biology 46 (1): 1–68. PMID 11975347. doi:10.1093/sysbio/46.1.1.

[1]