Andrew Bogut

Andrew Bogut
	; (2019)
Biografía
Nacemento	28 de novembro de 1984 (39 anos); Melbourne, Australia
Datos persoais
País de nacionalidade	Australia
Educación	Universidade de Utah ; St John's Regional College (en) ; Dandenong High School (en) ; UC Senior Secondary College Lake Ginninderra (en)
Altura	213 cm
Peso	118 kg
Actividade
Ocupación	baloncestista
Período de actividade	2005 -
Lingua	Lingua inglesa e lingua croata
Deporte	baloncesto
Liga	National Basketball Association e Baloncesto masculino da División I da NCAA
Posición de xogo	Pivote
Convocado por	Milwaukee Bucks
Traxectoria
Participou en
2019	Campionato do Mundo de Baloncesto de 2019
16 de outubro de 2018	Tempada 2018-19 da NBA
2016	Xogos Olímpicos de 2016
2015	Campeonato Oceânico de Basquetebol de 2015 (pt)
2008	Xogos Olímpicos de 2008
2006	Campionato mundial de baloncesto de 2006
2004	Xogos Olímpicos de 2004
	Premios (2005) Naismith College Player of the Year (pt) ; (2005) Oscar Robertson Trophy (en) ; (2005) Pete Newell Big Man Award (en) ; (2005) NCAA Men's Basketball All-Americans (en) ; (2005) NABC Player of the Year (en) ; (2005) John R. Wooden Award (en) ; (2005) Associated Press College Basketball Player of the Year (en) ; (2005) Mountain West Conference Men's Basketball Player of the Year (en) ;
Páxina web	andrewbogut.net

Andrew Michael Bogut, nado o 28 de novembro de 1984 en Melbourne, Victoria, é un xogador de baloncesto australiano que na actualidade xoga nos Sydney Kings da National Basketball League australiana. É fillo de croatas emigrantes a Australia. Mide 2,13 metros e xoga de pivote.

Carreira

Os seus comezos en Australia

Con 15 anos de idade, foi cortado da selección júnior do Estado de Victoria, e esa amarga experiencia fíxolle tentar mellorar. Asistiu ao "Instituto Australiano de Deportes", un centro de alto rendemento para deportistas novos do seu país, e no seu último ano alí fixo 29 puntos e 14,5 rebotes, sendo convocado pola súa selección para disputar o Campionato do Mundo Júnior de 2003, onde conseguiron a medalla de ouro, sendo nomeado mellor xogador do torneo.

Universidade

Xa en Estados Unidos, acudiu á Universidade de Utah, onde na tempada do seu debut, 2003-2004, fixo case un dobre-dobre, acabando con 12,5 puntos e 9,9 rebotes por partido. Foi nomeado novato do ano da súa conferencia, a Mountain West Conference. Ese verán acudiu coa selección australiana aos Xogos Olímpicos de Atenas 2004, onde fixo 14,8 puntos, 8,8 rebotes e 1,2 tapóns.

Despois dunha sólida aínda que pouco espectacular tempada de novato, no seu segundo ano despuntou: fixo 20,4 puntos, 12,2 rebotes (2º na División I da NCAA), 2,3 asistencias, e 1,8 tapóns, anotando un 62% de tiros de campo (8º na División I). Tamén liderou a liga en dobres-dobres, con 26. Ao acabar a tempada fóronlle concedidos diversos premios, entre eles o Naismith College Player of the Year e o John R. Wooden Award, sendo o primeiro xogador non norteamericano en conseguir ambos os trofeos.

NBA

Non foi ningunha sorpresa que Bogut fixésese co número 1 do Draft da NBA de 2005, sendo elixido por Milwaukee Bucks. O seu primeiro ano entre os profesionais non foi fácil, aínda que acabou facendo 9,4 puntos e 7 rebotes por partido, que lle fixeron ser elixido no mellor quinteto de rookies do ano. Na súa segunda tempada consolidouse no seu xogo, subindo os seus números até os 12,3 puntos e 8,8 rebotes por partido. Na tempada 2007-08 as estatísticas melloraron até os 14.3 puntos, 9,8 rebotes, 1,7 tapóns, 0,8 roubos e 34,9 minutos por encontro. O seu punto negro desta tempada foi un xesto obsceno que dedicou a un espectador en casa dos Toronto Raptors, o cal lle custou unha sanción de 25.000 dólares. O 3 de abril de 2010, durante un encontro contra os Phoenix Suns en Milwaukee, Bogut sufriu un importante dano ao facerse unha luxación no cóbado dereito, rotura da man dereita e unha escordadura do pulso despois de caer ao chan logo dun mate.^[1] Durante esta tempada 2009-2010 Bogut despuntara facendo 15,9 puntos , 10,3 rebotes e 2,6 tapóns por partido.

O 13 de marzo de 2012, foi traspasado aos Golden State Warriors xunto a Stephen Jackson a cambio de Monta Ellis, Kwame Brown e Ekpe Udoh.^[2]

Notas

↑ Bucks lose Bogut for the season
↑ "Warriors trade Ellis, Brown to Bucks for Bogut, Jackson". Arquivado dende o orixinal o 16 de marzo de 2012. Consultado o 14 de marzo de 2012.

Véxase tamén

Ligazóns externas

Perfil en NBA.com (en inglés)
Estatísticas en Basketball-Reference.com Arquivado 29 de maio de 2012 en Wayback Machine. (en inglés)

[1] Bucks lose Bogut for the season

[2] "Warriors trade Ellis, Brown to Bucks for Bogut, Jackson". Arquivado dende o orixinal o 16 de marzo de 2012. Consultado o 14 de marzo de 2012.

[1]