Alejandro Febrero Lorenzo

Alejandro Febrero Lorenzo

Biografía
Nacemento	25 de febreiro de 1925 Madrid, España
Morte	13 de agosto de 2010 (85 anos)
Actividade
Ocupación	nadador
Nacionalidade deportiva	España
Deporte	natación
Participou en
1948	Xogos Olímpicos de 1948

Alejandro Febrero Lorenzo, nado en Madrid o 25 de febreiro de 1925 e finado o 13 de agosto de 2010,^[1] foi un nadador olímpico español que habitou a maior parte da súa vida na cidade de Vigo, onde formou parte de varios clubs deportivos.

O seu fito máis salientable foi a inclusión no equipo olímpico que competiu na cidade de Londres en 1948. Tamén foi o primeiro en cruza-la Ría de Vigo a nado.^[2]

En 1944 incorporouse coma nadador ao Club Marítimo de Vigo, nese ano participou nos campionatos galegos na proba de 1500 metros libres, obtendo un tempo de 25,33',08. En 1945, xa trala integración do seu club no Náutico de Vigo, mellorou o seu rexistro na devandita proba a 23,01'09, progresión que continuaría en 1946 con medio minuto menos, 22,25',04, sendo o mellor dos nadadores galegos. No Campionato de España da cidade de As Palmas de Gran Canaria obtivo a segunda praza en 400 metros libres, e en 1500 metros libres mellorou a súa marca a 21,12',07, polo que foi seleccionado para os Xogos Olímpicos de 1948 en Londres, primeiros en organizarse despois da segunda guerra mundial.

Foi quinto clasificado na primeira eliminatoria de 400 metros libres, e cuarto clasificado na terceira eliminatoria de 1500 metros cunha marca de 21,15',27 próxima ao seu mellor rexistro, ficando na sétima posición entre 39 nadadores.

• Comité Olímpico Español Arquivado 04 de marzo de 2016 en Wayback Machine..
• Ficha de Febrero Lorenzo (en inglés)