Doha

لدوحة Doha

Suidheachadh
Dùthaich	Catar
Ceàrn	Ad Dawhah
Co-chomharran	25° 16' 54" Tuath 51° 31' 3" Ear
Feartan fiosaigeach
Farsaingeachd	132 km²
Àireamh-shluaigh	339,847 (2004)
Dlùths	2,574.6/km²

'S e prìomh-bhaile Chatar a tha ann an Doha (Arabais: لدوحة, (Ad-Dawḥah) neo (Ad-Dōḥah). 'S e am baile as motha na dùthcha cuideachd, tha mu 80 % de muinntir na dùthcha a’ fuireach anns an àrd-bhaile Doha. Tha e suidhichte air cladach Camas Pearsach. B’ ann ann an Doha far an robh na Geamaichean Àisianach anns a' bhliadhna 2006.

Chaidh am baile a stèidheachadh anns a’ bhliadhna 1850 le Al-Bida mar ainm. Thàinig an t-ainm “Doha” bhon fhacal Arabach ad-dawha, a’ ciallachadh: a’ chraobh mhòr. Canar gun robh craobh mòr, mòr ri taobh a' bhaile iasgach a bha ann aig an àm seo.

Tha pàirt den baile ann ris an canar Education City. Tha mòran oilthighean ann, seo cuid den fheadhainn as cudthromaiche:

Oilthigh Chatar; dh’fhosgail e anns a’ bhliadhna 1973
Oilthigh Georgetown
Weill Cornell Medical College, pàirt den Oilthigh Cornell
Oilthigh Virginia Commonwealth
Oilthigh Texas A&M
Oilthigh Northwestern University
College of the North Atlantic - Catar
Oilthigh Carnegie ^[1]
Campas HEC Paris

Tha port-adhair eadar-nàiseanta, an Doha International Airport ann cuideachd. Ach air sgàth 's gun do fhàs an roinn malairteach ‘s an roinn turasachd cho luath, gu h-àraidh aig àm nan Geamaichean Àisianach, bha am port-adhair ro bheag airson an trafaig a bh’ ann. Chaidh port-adhair ùr, an New Doha International Airport, a thogail. Bha a’ chiad phàirt dheth deiseil ann an 2009, is mòr gu leòr airson 25 millean luchd-siubhail gach bliadhna. Bhathar an dòchas gum robh am port-adhair ùr deiseil ann an 2015.^[2] ^[3].

Bailtean co-cheangailte

Tunis

Iomraidhean

Ceanglaichean a-mach

Commons

Tha dealbhan ann an Wikimedia Commons cuideachd a tha ceangailte ris an aiste seo:

Doha

[1] Fiosrachadh mu “Education City”

[2] New Doha International Airport , AME Info, 2006-09-26

[3] Fiosrachadh mu New Doha International Airport

[1]