1789

Sa paj ka konsèrnen lannen 1789 di kalandriyé grégoryen.

• Lannwit di 29 o 30 janvyé, Vietnam : vigtwè dé Tây Sơn atè batay-a di Ngoc Hoi-Dông Da asou kò èspédisyonnèr chinwa ki vini rétabli Lê-ya.

• Mars : dézyenm lagèr cafre ant kolon di Lafrik di Sid ké Bantou (finisman an 1793).

• 7 avril : koumansman di soultannat otoman di Sélim III (finisman an 1807). Li ka inogiré dé réfòrm (Tanzimat) pou tanté di sové lanpir otoman-an.

• 17 avril : koumansman di règn d'Agonglo, rwè d’Abomey (finisman an 1797). Li sa enkapab di réprimen troub-ya ki ka éklaté annan so péyi é di évité atak-ya ki dirijé pa so vwézen-yan. À so lanmò kao-a ka régné o Dahomey pannan roun ventenn di lannen jouk o règn di Ghézo.

• 28 avril : koumansman di mitinri-a di Bounty ki kondjwi pa Fletcher Christian.

• Avril : lépidémi di varyòl atè Pò Jackson an Lostrali. Li ka difizé so kò parmi aborijenn-yan di réjyon-an don lanmotché-a sa désimé.

• 10 mè : koumansman di rébélyon-an di Menashi-Kunashir ant Aïnous ké Japonnen-yan asou pénensil-a di Shiretoko o nò-lès di Hokkaidō.