E. T. A. Hoffmann

E. T. A. Hoffmann

Ainm sa teanga dhúchais	(de) Ernst Theodor Amadeus Hoffmann
Beathaisnéis
Breith	(de) Ernst Theodor Wilhelm Hoffmann 24 Eanáir 1776 Königsberg, An Phrúis
Bás	25 Meitheamh 1822 46 bliana d'aois Beirlín
Siocair bháis	Bás nádúrtha (Ailse agus eitinn)
Áit adhlactha	Friedhof III der Gemeinde Jerusalems- und Neue Kirche (en)
Faisnéis phearsanta
Scoil a d'fhreastail sé/sí	Ollscoil Königsberg
Gníomhaíocht
Réimse oibre	Scríbhneoireacht chruthaitheach agus phroifisiúnta, prós, ceol, léirmheastóireacht ceoil, stiúradh agus péintéireacht
Gairm	cumadóir, criticeoir ceoil, úrscéalaí, scríbhneoir ficsean eolaíochta, maisitheoir, léirmheastóir, dialannaí, stiúrthóir, scríbhneoir scripte, scríbhneoir, breitheamh, stiúrthóir ceolfhoirne, scigealaíontóir, scríbhneoir litríocht pháistí, péintéir, gearrscéalaí
Tréimhse oibre	1809 –  Meitheamh 1822
Seánra	Ceoldráma
Gluaiseacht	Rómánsachas, German Romanticism (en) agus Romantic literature (en)
Ainm cleite	E. T. A. Hoffmann
Teangacha	An Ghearmáinis
Uirlis	Orgán
Saothar
Saothar suntasach (1813) Undine (en) (1814) The Golden Pot (en) (1815) The Devil's Elixirs (en) (1816) The Nutcracker and the Mouse King (en) (1816) The Sandman (en) (1818) Mademoiselle de Scuderi (en) (1822) Master flea (en)
Teaghlach
Céile	Maria Thekla Michaelina Hoffmann
Síniú
Suíomh gréasáin	etahg.de

Scríbhneoir, cumadóir, sceitseálaí, dlíodóir, oifigeach cúirte agus breitheamh de chuid na Gearmáine ba ea Ernst Theodor Wilhelm Hoffmann (24 Eanáir 1776 – 25 Meitheamh 1822), ar fearr aithne air mar a ainm cleite E.T.A. Hoffmann.

Is as cúlra dlí a fuineadh Hoffmann; rinne sé staidéar ar an dlí in Ollscoil Königsberg. Chaith sé an chuid is mó dá shaol fásta i sraith post mar dhlíodóir faoi oiliúint nó mar oifigeach i gcúirteanna nó i gcomhlachtaí riaracháin i Königsberg, Glogau (Głogów faoi láthair), Posen (Poznań faoi láthair), Płock, Vársá agus Beirlín, diomaite den tamall a chaith sé mar bhainisteoir amharclainne, léirmheastóir drámaíochta agus drámadóir idir 1808 agus 1814.^[1]

Sa dara bliain a fuair sé obair sa Kammergericht i mBeirlín agus, sa bhliain 1816, post mar bhreitheamh ar an gcúirt sin, a bhí aige go dtí go bhfuair sé bás.

Mar sin, bhí sé ina bhall de choimisiún imscrúdúcháin i dtaobh daoine a bhí ag cur in éadan rialtas na Prúise. Mar gheall ar an gcodarsnacht idir a phost oifigiúil, ar lámh amháin, agus an bá a bhí aige leis an bhfreasúra agus a chuid scríbhinní aoracha, ar an lámh eile, bhí sé dlite i mbeart smachta, ach bhain a phairilis fhorchéimnitheach mharfach na cosa den bheart sin.

Tá rian a chuid oibre mar bhreitheamh ar roinnt dá chuid saothar, go mór mór ar Das Fräulein von Scuderi (1819) atá suite i bPáras faoi Louis XIV.

Ó cheann ceann a shaoil oibre, lean Hoffmann ar aghaidh lena chuid oibre mar scríbhneoir, cumadóir, maisitheoir is léirmheastóir. Ar an mbealach sin, tháinig sé chun tosaigh mar dhuine de na pearsana ag lár an Rómánsachais Ghearmánaigh, agus tionchar faoi leith aige ar scríbhneoirí ina dhiaidh sin i seánraí na fantaisíochta agus an uafáis.

Phós Hoffmann Mischa (Maria nó Marianna Thekla Michalina Rorer / Trzcińska) sa bhliain 1802. Tugtha don ól agus cliúsaí ban, bhuail an tsifilis é. D'éag Hoffmann i mBeirlín ar 25 Meitheamh 1822.

• Rómánsachas

• Leabharliosta^[2]