Cobra

Ainm a thugtar ar roinnt nathracha nimhiúla, dúchasach do dheisceart na hÁise is an Afraic is ea cobra. Tugtar cobra ar a lán speiceas, an chuid is mó díobh sa ghéineas Naja san fhine Elapidae. Faightear iad san Afraic agus i ndeisceart na hÁise. Is é “cobra” an focal sa Phortaingéilis ar nathair.

Is féidir leis an gcobra na filltí scaoilte craicinn ar a mhuineál leathadh amach mar chochall nuair a scanraítear é. An nimh, a ionsaíonn an córas néarógach, níos nimhiúla ná nathracha eile. Áitríonn sé foraoisí de ghnáth, ach tír oscailte freisin. Is féidir le cobra seileog nimhe a stealladh chomh fada le 3 m isteach i súile ainmhí bhagraigh, rud a fhéadfaidh é a dhalladh go buan. Is é an ríchobra an nathair nimhe is mó dá bhfuil ann. Cobra a bhíonn ag an mealltóir nathrach Indiach.^[1]

Ní grúpa tacsanomaíochta iad. I measc na speiceas a dtugtar “cobra” orthu, tá:

• Naja atra — cobra seileogach Síneach
• Naja kaouthia — cobra spéaclach
• Naja naja — cobra Indiach
• Naja oxiana — cobra Lár-Áiseach
• Naja philippinensis — cobra seileogach na bhFilipíneach Thuaidh
• Naja sagittifera — cobra Andaman
• Naja samarensis — cobra seileogach na bhFilipíneach Thoir Theas
• Naja siamensis — cobra seileogach Ind-Síneach
• Naja sputatrix — cobra seileogach na hIndinéise Theas
• Naja sumatrana — cobra seileogach órga
• Hydrodynastes gigas — cobra bréige
• Ophiophagus hannah — rí-chobra

Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir.

Is síol ainmhí é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.