Type O Negative

Type O Negative
band
Type O Negative yn 2007
algemiene ynformaasje
nasjonaliteit	Amerikaansk
sjongtaal	Ingelsk
sjenre	Metal,
bestean	1989 - 2010
label(s)	Roadrunner, SPV
âld-leden	Sal Abruscato (drums) (1989–1993)
leden
Sang & Bas	Peter Steele †
Gitaar	Kenny Hickey
Toetsen	Josh Silver
Drums	Johnny Kelly

Type O Negative wie in Amerikaanske gothic metal band oprjochte yn 1989 yn Brooklyn. De groep ûntstie út de oerbliuwsels fan de band Carnivore.

Type O Negative wie bekend troch harren drûge, morbide humor yn de teksten dy't giene oer romantyk, depresje en dea dy't mei in gauris trage muzyk begelaat waard. De styl fan de muzyk wie gothic, yn de rjochting fan doom.

Eardere sjonger fan Carnivore Peter Steele, foarme yn 1989 mei syn jeugdfreonen Sal Abruscato, Josh Silver, en Kenny Hickey, Type O Negative en tekenen in kontrakt by it muzyklabel Roadrunner Records. Al fluch nei it tekenjen ferskynde yn 1991 it debútalbum, "Slow, Deep and Hard"

Yn 1993 waard it album "Bloody Kisses" útbrocht, it wie harren tredde album en dat betsjutte it begjin fan it grutte sukses. It album behelle de platinum status yn de Feriene Steaten. Drummer Sal Abruscato stapte út de band en waard ferfongen troch Johnny Kelly, mei de nije drummer waard it fjirde album "October Rust" opnaam. Noch fjouwer studio-albums folgen, mar op 14 april, 2010 kaam in ein oan it sukses nei't sjonger en bassist fan de band Peter Steel op 48 jierrige leeftiid ferstoar.