Skoattertsjerke

	Skoattertsjerke
	Lokaasje
provinsje	Fryslân
gemeente	It Hearrenfean
plak	Aldskoat
adres	Skoatterlânskewei 24
koördinaten	52° 56' N 5° 57' E
	Tsjerklike gegevens
tsjerkegenoatskip	PKN
	Arsjitektuer
boujier	1752
monumintale status	ryksmonumint
monumintnûmer	21197
	Webside
	Side PKN It Hearrenfean
	Kaart
	;

De Skoattertsjerke is ien fan'e twa tsjerken fan 'e Protestantske Tsjerke yn Aldskoat.

Skiednis

De hjoeddeiske sealtsjerke ferfong in tsjerke mei sealtektoer út 1610 en waard op 26 novimber 1752 yn gebrûk nommen. De tsjerke waard yn opdracht fan Menno Coehoorn fan Scheltinga, grytman fan Skoatterlân, boud. Boppe de yngong is in gevelstien oanbrocht.

De kânsel is yn Loadewyk XIV-styl útfierd. De klok út 1758 waard yn 'e Twadde Wrâldoarloch troch de besetter foardere.

Yn 2002 waard by gelegenheid fan it 250 jierrich jubileum yn twa finsters brânskildere glês oanbrocht. Yn 2007 waard it houten tuorke restaurearre. By dat wurk waard ûntdutsen dat it hout fan 'e hiele tsjerke troch houtwjirm en de hûsboktor oanfretten wie. Foar de restauraasje waard troch de gemeente It Hearrenfean ekstra jild beskikber steld.