Laurent Jalabert

	Laurent Jalabert
	sporter
	Laurent Jalabert (1993)
	persoanlike bysûnderheden
echte namme	Laurent Jalabert
bynamme	JaJa
nasjonaliteit	Frânsk
bertedatum	30 novimber 1968
berteplak	Mazamet
lingte	1.76 m
gewicht	66 kg
	sportive ynformaasje
sport	Hurdfytsen
ûnderdiel	Dykhurdfytsen
O.S.	Atlanta 1996,; Sydney 2000
debút	1989
karriêre-ein	2002
	wichtige prestaasjes
	Omgong fan Spanje 1995; Milaan-San Remo 1995; Waalske Pylk 1995, 1997; Omgong fan Lombarije 1997; Clásica San Sebastián 1997, 1998; 1x goud Wrâldkampioenskippen 1997

Laurent Jalabert (Mazamet, 30 novimber 1968) is in earder Frânsk hurdfytser. Jalabert behelle 138 seges, wêrûnder twa kear de Waalse Pijl. De twa "hurdfyts monumenten" Milaan-San Remo en de Omgong fan Lombardije wûn hy elk ien kear. Hy wie gjin útsprútsen spesjalist en naam sawol de griene trui as de boltsjestrui fan de Omgong fan Frankryk mei nei hûs. Yn 1995 wûn Jalabert de Omgong fan Spanje en yn 1997 waard er wrâldkampioen tiidriden.

Laurent Jalabert is de âldere broer fan earder hurdfytser Nicolas Jalabert.

Karriêre

Jalabert, wie net allinnich in klimmer, mar ek in poerbêste sprinter. Benammen yn it begjin fan syn karriêre (by de Spaanske hurdfytsploech Once) koe er goed mei sprinters lykas Wilfried Nelissen, Djamolidin Abdoezjaparov, Olaf Ludwig en Johan Museeuw. Yn 1992 en 1995 wûn er de griene trui (punteklassemint) yn de Omgong fan Frankryk.

De earelist fan Jalabert is lang en ferskaat. Jalabert behelle oerwinningen yn klassikers lykas Milaan-San Remo en de Waalske Pylk, mar ferovere ek it einklassemint fan de Omgong fan Spanje yn 1995. Ek behelle er de wrâldtitel tiidriden yn 1997.

Yn de rin fan de jierren lei er him mear ta op it klimmen. By de Deenske hurdfytsploech CSC krige hy dêr alle kâns ta. Yn 2001 en 2002 wûn hy de bolletsjestrui (Boltsjestrui) yn de Omgong fan Frankryk. Yn 2002 wûn er ek syn lêste klassiker: de Clásica San Sebastián. Nei 2002 sette Jalabert in punt efter syn karriêre.

Nei it hurdfytsen

Nei syn karriêre waard Jalabert aktyf as kommentator by wedstriden foar de Frânske telefyzje en fan 2009 oant 2012 wied er bûnscoach fan it Frânske hurdfytsen, die er mei oan triatlons en maratons. Yn 'e maitiid fan 2013 rekke Jalabert slim ferwûne nei't er op 'e fytst oanriden waard troch in auto.