Nombro

Cél articllo est ècrit en arpetan supradialèctâl / ORB lârge.

Por la nocion de nombro en lengouistica, vêde Nombro gramaticâl.

*Relacions d’encllusion* entre-mié los difèrents ensemblos de nombros.

Un nombro est un concèpto matèmatico que pèrmèt d’èstimar et de comparar de quantitâts ou ben de rapôrts de grantiors, mas asse-ben d’ordonar de piéces per na numerotacion d’aprés lor rang^[1]. Sovent ècrits avouéc yon ou ben un mouél de chifros, los nombros sè mècllont per lo biès d’opèracions que sont rèsumâyes per de règlles de carculo. Les propriètâts de celes relacions entre-mié los nombros sont adés trètâyes dens lo câdro de l’aritmètica des entiérs, pués-cen ples larjament u méten de plusiors branches de la tèoria des nombros.

En l’absence d’una dèfenicion gènèrâla satisfassenta de cela nocion^[2], doux-três tipos de nombros sont étâs fêts rentrar, d’entiérs naturâls ux nombros rèèls, et pués en-delé avouéc d’ôtres chouses coment los nombros complèxos^[3], los nombros p-adicos^[4], d’enfenitèsimâls de l’analisa pas estandârd ou ben de transfenis de la tèoria des ensemblos. Celos concèptos que pèrmètont d’èxprimar de meseres fesiques, de trovar la solucion d’èquacions, d’encodar d’enformacions, vêr de comprendre l’enfeni.

En fesica, quârques nombros aparèssont coment de grantiors sen dimension, tâls lo nombro de Reynolds en mècanica des flluidos ou ben los nombros quanticos.

En defôr de lor usâjo scientifico, doux-três nombros ant étot reçus na charge simbolica fôrta dedens difèrentes cultures. O est per ègzemplo lo câs du nombro três por los crètiens ou ben du nombro diéx por los pitagoriciens.

Nombros en arpetan

Vê-que na lista des nombros en arpetan :

Valor	Nom	Ôtros noms
0	zérô
1	yon m, yona f	yena f
2	doux m, doves f
3	três
4	quatro m, quatre f^{[N 1]}
5	cinq^{[N 2]}	çinq
6	siéx
7	sèpt^{[N 3]}	sèpte
8	huét^{[N 4]}	huéte
9	nôf^{[N 5]}
10	diéx
11	onze	onge
12	doze	doge
13	trèze	trège
14	quatôrze	quatôrge
15	quinze	quinge
16	sèze	sège
17	diéx-et-sèpt	diéx-et-sèpte
18	diéx-et-huét	diéx-et-huéte
19	diéx-et-nôf
20	vengt	vingt viengt
21	vengt et yon	vengt yon vingt et yon, vingt yon viengt et yon, viengt yon
22	vengt doux	vingt doux viengt doux
30	trenta
31	trenta et yon	trenta yon
32	trenta doux
40	quaranta
50	cinquanta	çinquanta
60	souessanta	três-vengts três-vingts três-viengts
70	sèptanta	souessanta-diéx
80	huétanta	quatro-vengts quatro-vingts quatro-viengts
90	nonanta	quatro-vengt-diéx quatro-vingt-diéx quatro-viengt-diéx
100	cent	çent
101	cent yon	çent yon
120	cent vengt	çent vengt siéx-vengts siéx-vingts siéx-viengts
200	doux cents	doux çents
1 000	mile
1 001	mile yon
2 000	doux mile
2 001	doux mile yon
1 000 000	un milyon

Notes et rèferences

Notes

↑ Y at avouéc na fôrma de liyèson, por ègzemplo : entre-mié quatros uelys ; mas : quatr’homos et pués quatr’hores.
↑ Y at asse-ben na fôrma de liyèson, por ègzemplo : cinqs uséls ; mas : cinq ans.
↑ Y at étot na fôrma de liyèson, por ègzemplo : sèpts homos ; mas : sèpt ans et pués sèpt hores.
↑ Y at asse-ben na fôrma de liyèson, por ègzemplo : huéts ètèles ; mas : huét ans et pués huét hores.
↑ Devant hores, y at na liyèson en [v].
A Sant-Etiève diont : n’hores.

Vocabulèro

Rèferences

↑ (fr) Dèfenicions lèxicografiques et ètimologiques de « Nombre » (significacion Nombro ordenâl) du Trèsor de la lengoua francêsa enformatisâ, sus lo seto du Centro nacionâl de ressôrses tèxtuèles et lèxicâles.
↑ (fr) Lo Petit Robert de la langue française et lo Trésor de la Langue Française Informatisé rapôrtont que « lo nombro est yona de les nocions fondamentâles de la rêson […] que pôvont pas dèfenir. » Lo Petit Larousse illustré sotint que lo nombro « pôt pas fâre la chousa d’una dèfenicion rêda ».
↑ Los nombros complèxos sont notament mencionâs dedens (fr) Modèlo:Larousse et Modèlo:Britannica (viu lo 1^ér d’octobro 2023).
↑ (en) Gouvêa, Fernando Q. The Princeton Companion to Mathematics, Chapter II.1, "The Origins of Modern Mathematics", p. 82. Princeton University Press, September 28, 2008. Modèlo:Isbn. "Today, it is no longer that easy to decide what counts as a 'number.' The objects from the original sequence of 'integer, rational, real, and complex' are certainly numbers, but so are the p-adics. The quaternions are rarely referred to as 'numbers,' on the other hand, though they can be used to coordinatize certain mathematical notions."

[5] Y at avouéc na fôrma de liyèson, por ègzemplo : entre-mié quatros uelys ; mas : quatr’homos et pués quatr’hores.

[6] Y at asse-ben na fôrma de liyèson, por ègzemplo : cinqs uséls ; mas : cinq ans.

[7] Y at étot na fôrma de liyèson, por ègzemplo : sèpts homos ; mas : sèpt ans et pués sèpt hores.

[8] Y at asse-ben na fôrma de liyèson, por ègzemplo : huéts ètèles ; mas : huét ans et pués huét hores.

[9] Devant hores, y at na liyèson en [v].
A Sant-Etiève diont : n’hores.

[1] (fr) Dèfenicions lèxicografiques et ètimologiques de « Nombre » (significacion Nombro ordenâl) du Trèsor de la lengoua francêsa enformatisâ, sus lo seto du Centro nacionâl de ressôrses tèxtuèles et lèxicâles.

[2] (fr) Lo Petit Robert de la langue française et lo Trésor de la Langue Française Informatisé rapôrtont que « lo nombro est yona de les nocions fondamentâles de la rêson […] que pôvont pas dèfenir. » Lo Petit Larousse illustré sotint que lo nombro « pôt pas fâre la chousa d’una dèfenicion rêda ».

[3] Los nombros complèxos sont notament mencionâs dedens (fr) Modèlo:Larousse et Modèlo:Britannica (viu lo 1^ér d’octobro 2023).

[4] (en) Gouvêa, Fernando Q. The Princeton Companion to Mathematics, Chapter II.1, "The Origins of Modern Mathematics", p. 82. Princeton University Press, September 28, 2008. Modèlo:Isbn. "Today, it is no longer that easy to decide what counts as a 'number.' The objects from the original sequence of 'integer, rational, real, and complex' are certainly numbers, but so are the p-adics. The quaternions are rarely referred to as 'numbers,' on the other hand, though they can be used to coordinatize certain mathematical notions."

[1]