Col du Mont-Cenis
|
Cél articllo est ècrit en arpetan supradialèctâl / ORB lârge. | 
|
Lo Col du Mont-Cenis est un col en Arpetania.
Il sè trôve dedens les Ârpes entre-mié la France et l’Étalia.
Lo chemin que monte sus lo col rapond la valâye de la Môrièna en Savouè avouéc la Vâl de Suisa en Piemont.
Por l’histouère de la Savouè, l’ére la rota entre-mié les chef-lués des comtos et ducs de Savouè, Chambèri et Turin, dês lo mariâjo de la comtessa Adelayida de Suisa et lo comto Odon de Môrièna-Savouè, de vers 1045.
Sus la plâna du col sè trôve lo lèc du Mont-Cenis.