Vouiquipèdia:Reçua principâla

Vouiquipèdia est un projèt d’encicllopèdia colèctiva en legne, univèrsâla, multilengoua et que fonccione sus lo principo du vouiqui. Cél projèt vise a semondre un contegnu librament rempleyâblo, netro et pués controlâblo, que châcun pôt changiér et mèlyorar.

Vouiquipèdia est dèfenia per des principos fondators. Son contegnu est desot (fr) licence Creative Commons BY-SA. Pôt étre copiyê et rempleyê desot la méma licence, desot resèrva de nen rèspèctar les condicions. Vouiquipèdia aprovisione tôs sos contegnus gratuitament, sen recllâma, et pués sen recorir a l’èxplouètacion de les balyês a sè de sos utilisators.

Los rèdactors des articllos de Vouiquipèdia sont bènèvolos. Coordonont lors èfôrts u méten d’una comunôtât colaborativa, sen dirigent.

Châcun pôt d’abôrd publeyér de contegnu en legne, a condicion de rèspèctar les règlles èssencièles betâyes en place per la Fondacion Wikimedia et per la comunôtât ; per ègzemplo, la controlabilitât du contegnu, l’admissibilitât des articllos et pués gouardar na bôna façon.

Un mouél de pâges d’éde sont a voutra disposicion, notament por fâre un articllo, changiér un articllo ou ben rapondre n’émâge. Éte pas sus lo balant de posar na quèstion por étre édiê dedens voutros premiérs pâs, notament dedens yon des projèts tèmaticos ou ben dedens difèrents èspâços de discussion.

Les pâges de discussion sèrvont a centralisar les rèfllèccions et les remârques que pèrmètont de mèlyorar los articllos.

Lo forésien [fɔ.ʀi.ˈzjɛ̃, fu.ʀi.ˈzjɔ̃, fɔ.ʀi.ˈzjẽ] — diont pletout lo forénâs [fu.ri.ˈna, fu.ri.ˈnɒ] dens los patouès de les montagnes du Sêr — est un ensems de dialèctos prod morselâs de la lengoua arpitana parlâ dens lo Forês, surtot lo dèpartament de Lêre, pués doux-três comunes dens los dèpartaments vesins du Pué-de-Doma, d’Aliér et de Sona-et-Lêre.

Y at quatro grandes zones de locucion du forésien :

• Les montagnes du Sêr, lo veré forénâs, règion ont il s’est lo mielx consèrvâ. O est dedens quela règion que sè trôvont los dèrriérs locutors et que la lengoua forésièna est uncor praticâ, diu a l’isolament et pués un braçâjo de populacion muendro.
• La plana du Forês, lo gagâs âssé, avouéc una lengoua petafinâ, francèyêe (populacion muens stâbla, prod de fèrmiérs, apôrt de la montagne...). La lengoua y est étâ pèrdua diu a l’endustria et u braçâjo de les populacions.
• Les montagnes du Madin avouéc una lengoua marcâ per lo liyonês.
• Lo Rouanês uvèrt vers la bise, lo rouanârd, avouéc doux ensems de patouès considèrâblament difèrents : lo patouès du bôrd drêt de Lêre marcâ per la lengoua d’oly (borguegnon et francês) et lo biôjolês et pués lo patouès du bôrd gôcho de Lêre qu’est marcâ ren que per la lengoua d’oly.

Liére la suite

• 17 de dècembro : rèferendons sus na novèla Constitucion u Tchad et u Chili et èlèccions lègislatives devanciêes en Sèrbia.
• 14 de dècembro : lo Consèly eropèen balye lo fuè vèrd a l’uvèrtura de les nègociacions d’adhèsion a l’Union eropèèna avouéc l’Ucrèna et la Mordavia et pués acôrde lo statut de candidat a la Jorgia (mapa).
• 11 de dècembro : Donald Tusk est èliesu prèsident du Consèly ux ministros de Pologne, doux mês aprés les èlèccions parlamentères.
• 24 de fevriér : la Russia lance n’ofensiva militèra contre l’Ucrèna.
• 21 de fevriér : la Cort constitucionâla lègalise l’avortament en Colombia.

Més de novèles : dessus Vouiquinovèles

• 

  Los premiérs Prussiens érant baltos (mapa).
• Margarèta d’Yueng est la premiére ècriven de tèxtos en lengoua liyonêse.
• Los habitents de Sent-Treviér en Domba s’apèlont los Utinjouès en patouès dombisto.
• Julo Cèsâr est l’ôtor d’un trètâ de gramère sus l’analogia.
• Vers-chiéz-los-Rês est lo nom en patouès vôdouès de Villars-Burquin.
• Lo quatro-èpiéces pôt asse-ben vegnir d’una solèta èpiéce que d’un mouél.
• L’ELS est n’associacion franco-savoyârda que vôt promovêr et difusar la lengoua savoyârda, na variètât de l’arpetan prègiêe en Savouè.