Belgia

Koninkrijk België
Royaume de Belgique
Königreich Belgien

(Flagg Belgia) (Skjaldarmerki Belgia)
Tjóðarslagorð: Eendracht maakt macht L’union fait la force Einigkeit macht stark
Tjóðsangur: De Brabançonne La Brabançonne Das Lied von Brabant
Alment mál	niðurlendskt, Franskt, týskt
Høvuðsstaður	Brussel
Kongur	Filip
Forsætisráðharri	Alexander De Croo
Fullveldi	1830
Vídd  - tilsamans  - vøtn (%)	30 528 km² 6,20
Íbúgvar  - tilsamans 2012  - tættleiki	11 035 948 362/km²
Gjaldoyra	evra
Tíðarøki	UTC +1
Økisnavn á alnetinum	.be
Telefonkota	+32

Belgia (niðurlendskt: België, franskt: Belgique, týskt: Belgien) er eitt land í Evropa. Høvuðsstaður er Brussel, og landið hevur umleið 11 milliónir íbúgvar. Mót norðri hevur Belgia mark við Niðurlond, í eystri við Týskland og Luksemburg, í surðri við Frakland og móti vestri er Norðsjógvurin, strandarlinjan er bert 65 km. Trý mál verða talað í Belgia. Sunnanfyri, við franska markið, talar fólkið franskt. Norðanfyri Brússel er málið flamskt, ið er nær skylt við niðurlendskt. Eystast í landinum er almenna málið týskt. Í Brússel talar mesta fólkið franskt, men mong tala eisini flamskt. Belgia var fyrst undir sponskum og so undir eysturríkskum ræði. Í 1815 varð landið sameint við Niðurlond. Í 1830 gjørdu belgiamenn uppreistur og tóku loysing, og Belgia gjørdist sjálvstøðugt kongsdømi.

Belgia gjørdist sjálvstøðugt land í 1830, tá tað loysti frá Niðurlondum. Landamørkini, ið nú eru, vórðu sett í 1919.

Belgia var við til at seta ES á stovn, og høvuðssæti hjá ES er í Brussel. NATO hevur eisini sítt høvuðssæti í Belgia.

Flamskir og franskir matsiðir hava ávirkað belgiska matgerð. Súpan er vælumtókt, og mangir landslutir hava sínar egnu uppskriftir. Ein serrættur er skeldýr og kips, sum bæði fæst á dýrum matstovum og úr smáum matsølubúðum á gøtunum.

Meuseá skilur landið í tvíningar. Fyri norðan er fláur, fruktagóður slætti heilt út at strondini. Í landsynningspartinum eru Ardennufjøll; har er jørðin kørg, og garðarnir eru spjaddir.

Vlaanderen (Flandre, Flandern)

Wallonie (Wallonië, Wallonien)

• Antwerpen
• Brugge
• Brussel
• Charleroi
• Gent
• Hasselt
• Liège
• Mons
• Namur

Longu í 16. øld tók stórur klædnaídnaður seg upp uttan um býir sum til dømis Brúgge, ið er kendur fyri síni knipplingamynstur. Í mong ár hevur tungídnaður, serliga kolavinna og stálídnaður, verið týdningarmikil vinnuvegur, men hann er nú um at hvørva. Í staðin er komin annar ídnaður, til dømis evnafrøðiídnaður og ravmagnsídnaður. Tænastuvinnan, t.d. bankavirksemi og fyrisiting, er so nógv vaksin, at har starvast tveir triðingar av belgisku verkafjøldini.

Sí miðlasavnið

»Belgia« í Wikimedia Commons.