Suecia

Suecia

Luenga oficial	Suecu
Capital	Estocolmu
Rei	Carlos XVI Gustavo
Primel Menistru	Ulf Kristersson
Cumprimentu  - Total  - 8,57% augua	Posición 102ª 449.964 km²
Puebración  - Total (2007)  - Densiá	Puestu 54º 9 208 034 22 ab/km²
PIB  - Total (2005)  - PIB/capita	Posición 18ª 423.649 millonis de US$
Monea	Corona (kr, SEK) = 100 öre
Inu	Du gamla, du fria
Domiñu Internet	.se
Cóigu telefónicu	+46
Biembru de: Unión Uropea, ONU, Conseju Nórdicu, OCDE, OSCE, COE-

El Reinu de Suecia (en suecu: Konungariket Sverige) es un país d'Uropa, ena península d'Escandinavia. Hazi arrayu al norti con Noruega i Finlandia, al esti con Finlándia i el Golfu de Botnia, al oesti con Noruega i el Mari el Norti, al sul con el Mari Bálticu i Dinamarca, con el qu'está conetau pola puenti d'Oresund. La su capital es Estocolmu.

Cuna estensión de 450 295 km², es el quintu país más estensu d’Uropa. En 2016, contaba con una puebración total de pocu más de 10 millonis de pressonas, delas qualis el 98% cuenta con acesu a Internet, lo que lo convierti nel país cola mayol penetración del serviciu nel mundu. Tien una densidá de puebración de solu 22 h/km², similal a otrus paísis del su entornu. Cerca del 84% dela puebración vivi en çonas urbanas. La conservación dela naturaleça, la proteción del meyu ambienti i la eficacia enérgica son, pol general, una prioridá ena formulación de políticas i quentan con acogía por gran parti del pueblu. Mantién el modelu nórdicu de bienestal que brinda assistencia sanitaria universal i educación terciaria de logrería alos sus ciudanus, tien el oncenu ingresu per cápita más artu del mundu i ocupa un lugal dessaliu n'abondas meicionis de desenvolvimiento umanu, encluyía la calidá de vida, seguridá, salú, educación, igualdá, i prosperiá.

La mejora delos transportis i las comunicacionis a permitíu la esplotación a gran escala de bienis naturalis, sobri tó la madera i el minerai de hierru. Ena década de 1980, la escolariçación universal i la endustrialización permitierun al país desenvolvel una runchia endústria manufacturera. Tien una rica oferta de energía idráulica, peru careci de petróliu i de yacimientus de carbón emportantis. En el sigru XX se ubicó constantementi entri los paísis con mejol Índici de Desenvolvimiento Umanu (IDH), atualmenti ocupandu la sétima posición.

Suécia a estau abitá dendi tiempus preestóricus. Los abitantis surjun cumu los gautas i los sueonis, que juntus constituyun los pueblus marinerus conocíus cumu los nórdicus. Los oríhinis de Suécia se remontan al sigru X, inque nu dessisti un verdaderu consensu estóricu sobri la fecha dela su unificación. En 1397, Suécia s'unió a Noruega i Dinamarca para formal la Unión Escandinava de Kalmar, que Suécia abandonó en 1523. Quandu Suécia se vio envuelta ena guerra delos Treinta Añus del lau protestanti, prencepió una espansión delos sus territorius, formándosi el Empériu Suecu, que permaneció una delas grandis potencias d’Uropa ata prencipius del sigru XVIII. Duranti esta época, Suécia controlaba gran parti del mari Bálticu. La mayoría delos territorius conquistaus pa fuera dela península escandinava se perdun duranti los sigrus XVII i XIX. La metá oriental de Suécia, la atual Finlandia, se perdió anti la Rússia imperial en 1809. La última guerra ena que Suécia estuvu directamenti envuelta fue en 1814, quandu Suécia, pol meyu militaris, obligó a Noruega a una unión personal, unión que duró ata 1905.

Dendi marçu de 2024 es biembru dela OTAN.

El nombri «Suécia» deriva del latín Suetidi, el qual provieni del vocabu del ingrés antiguu Sweoðeod, que significa «pueblu delos suionis» (en escandinavu antiguu Svíþjóð). Esta palabra deriva de sweon/sweonas (en escandinavu antiguu sviar, en latín suiones). La etimología de Suiones, i pol endi de Suécia, deriva probabilmenti del proto-germánicu Swihoniz, que significa «propiedá de unu», refiriéndusi a la propiedá duna tribu germánica. El nombri en suecu, Sverige, significa literalmenti «Reinu delos suionis» (sve ‘suionis’; rike ‘reinu’), el qual se gastaba para designal la çona sul del país abitá pola tribu germánica del mesmu nombri.

Variacionis del inglés Sweden se gastan ena mayoría delos idiomas, excetu en danés i en noruegu, ondi el nombri es el mesmu que en suecu, Sverige. En los idiomas finlandés (Ruotsi) i estoniu (Rootsi), el nombri provieni dela mesma raíz que la palabra «Rússia», refiriéndusi a la etnia rus, orihinaria delas çonas costeras de Uppland i Roslagen.

• En Commons ai conteníu multimedia sobre Suecia.