Virunga Parke Nazionala

Virunga Parke Nazionala1 UNESCOren gizateriaren ondarea
Nyiragongo sumendia gauez.
Mota	Naturala
Irizpideak	vii, viii, x
Erreferentzia	63
Kokalekua	Kongoko Errepublika Demokratikoa (Afrika)
Eskualdea2	Afrika
Koordenatuak	0°55′00″N 29°10′00″E / 0.91667°N 29.16667°E / 0.91667; 29.16667
Izen ematea	1979 (III. bilkura)
1 UNESCOk jarritako izen ofiziala (euskaratua) 2 UNESCOren sailkapena

Virunga Parke Nazionala, lehen Albert Parke Nazionala deitua, Kongoko Errepublika Demokratikoko naturagune babestua da. Herrialdeko ekialdeko mugan dago, Virunga mendietatik Ruwenzori mendietaraino, Eduardo aintziraren mendebaldeko ertzean. Rwandako Sumendien Parke Nazionalarekin eta Ugandako Rwenzori mendien Parke Nazionalarekin lotuta dago. Parke Nazionala 1925ean sortu zenean, Afrikako lehendabizikoa izan zen. 1979an Unescok Gizateriaren Ondare deklaratu zuen; 1994an arriskuan dagoen gizateriaren ondarearen zerrendan sartu zuen. 7.800 km² ditu. Gordetzen duen biodibertsitatea dela eta, garrantzi handiko parkea da.

Ekosistema nagusiak hezeguneak eta sabanak dira. Ruwenzori mendiak mendiko larrez estalita daude; badago halaber glaziar bat. Parkean bi sumendi aktibo daude, Nyiragongo eta Nyamuragira, laba zonaldeez inguratuta. Nyamuragira sumendiak 2010ean eztanda egin zuen eta parkeko fauna eta inguruko herriak arriskuan jarri zituen; 2002an Goma hiriko zati batzuk txikituta geratu ziren, antzeko eztanda baten ondorioz.^[1]

Emmanuel de Merode printzea Parke Nazionalaren zuzendaria da.

Parkea mendiko gorilei esker oso ezaguna da munduan. Kongoko lehenengo gerraren ondorioz, populazio hori galtzeko zorian egon zen eta gaur egun gutxi bizirik daude, nahiz eta babesteko neurriak arrakasta izan. Antza denez, populazioa berreskuratzen ari da.

Hipopotamoa beste espezie enblematikoa izan da, bereziki Albert aintziran. 2006an, ordea, isileko ehizaren ondorioz % 95 hil zituzten.^[2]

• Mendiko gorila (Gorilla beringei beringei)
• Txinpantze (Pan troglodytes)
• Kolobo gorria (Piliocolobus badius)
• Oihan elefantea (Loxodonta cyclotis)
• Sabanako elefantea (Loxodonta africana)
• Afrikar bufaloa (Syncerus caffer)
• Jirafa (Giraffa camelopardalis)
• Okapi (Okapia johnstoni)
• Hipopotamoa (Hippopotamus amphibius)

• Gerra
• Isileko-ehiza.
• Oihanaren txikizioa.

• (Ingelesez): UNESCO Virunga National Park
• (Ingelesez): UNEP-WCMC Natural Site Data Sheet

‎