Stefan Heym

Stefan Heym
Irudi gehiago
Bundestageko kidea 1994ko azaroaren 10a - 1995eko urriaren 31 Hautetsia: 1994 German federal election (en) President by age (en)
Bizitza
Jaiotzako izen-deiturak	Helmut Flieg
Jaiotza	Chemnitz, 1913ko apirilaren 10a
Herrialdea	Weimarko Errepublika  Ameriketako Estatu Batuak  (1943 -  1952)  Alemaniako Errepublika Demokratikoa  (1953 -  1990eko urriaren 3a)  Alemania  (1990eko urriaren 3a -
Bizilekua	Alemaniako Errepublika Demokratikoa
Lehen hizkuntza	alemana
Heriotza	Ein Bokek (en) , 2001eko abenduaren 16a (88 urte)
Hobiratze lekua	Weißensee Cemetery (en)
Heriotza modua	berezko heriotza: miokardio infartu akutua
Familia
Ezkontidea(k)	Gertrude Heym (en)  (1943 -
Hezkuntza
Heziketa	Chicagoko Unibertsitatea
Hizkuntzak	alemana ingelesa
Jarduerak
Jarduerak	idazlea, politikaria, eleberrigilea, kazetaria eta poeta
Lantokia(k)	Berlin
Lan nabarmenak	ikusi The King David Report (en)
Jasotako sariak	ikusi Ekialdeko Alemaniako Sari Nazionala Heinrich Mann saria  (1953) Jerusalem saria  (1993)
Kidetza	Alemaniako Errepublika Demokratikoko Artearen Akademia
Zerbitzu militarra
Adar militarra	Ameriketako Estatu Batuetako Armada
Parte hartutako gatazkak	Bigarren Mundu Gerra
Sinesmenak eta ideologia
Alderdi politikoa	hautagai independente
stefan-heym.de

Stefan Heym —jaiotza-izena: Hellmuth Fliegel— (Chemnitz, Alemania, 1913ko apirilaren 10a - Ein Bokek, Israel, 2001eko abenduaren 16a) alemanezko eta ingelesezko idazlea izan zen.

Filologia eta kazetaritzako ikasketak egin zituen Berlinen. 1933an Txekoslovakiara joan zen, eta 1937an Estatu Batuetara. Han, faxismoaren aurkako aldizkari bateko erredakzioko buru izan zen. Gero, Estatu Batuetako armadan sartu zen, baina bota egin zuten, bere ideia marxistengatik. 1952an, Estatu Batuetatik joan zen, Koreako Gerragatik protesta egiteko, eta Alemaniara itzuli zen, Berlinera.

Ordurako ospe handiko idazlea zen, bere eleberri sozialengatik: Der Fall Glasenapp (1942, Glasenapp auzia), Kreuzfahrer von heute (1948, Egungo gurutzatuak). Bere eleberrietako gai nagusia gizabanakoaren autodeterminazio-eskubidearen aldeko borroka da, eta gizabanakoaren eta estatuaren boterearen arteko gatazka Alemaniako faxismoan, Estatu Batuetako kapitalismoan, eta Alemaniako Errepublika Demokratikoko sozialismoan. Horregatik, bere eleberriek gertaera errealak islatzen dituzte: Glasenapp auzia obrak faxismoaren mendeko 1941eko Praga erakusten du; Egungo gurutzatuak eleberriak, berriz, Estatu Batuetako gudarostearen parte-hartzea Bigarren Mundu Gerran; Golsborough (1953) liburuan Estatu Batuetako meatzarien 1950eko greba du kontagai. Beste lan batzuk: Die Papiere des Andreas Lenz (1963, Andreas Lenzen paperak); Der König David Bericht (1972, David erregearen txostena); Collin (1979); Ahasver (1981). 1992an Filz. Gedanken über das neueste Deutschland (Filz. Alemania berriari buruzko gogoetak) argitaratu zuen, Alemaniaren batasunaren aurka protesta egiteko. Berlingo Harresia eraitsi zutenean, Alemaniako Alderdi Sozialdemokratako kide egin zen, eta 1994an aulki bat lortu zuen Legebiltzarrean.

Wikimedia Commonsen badira fitxategi gehiago, gai hau dutenak: Stefan Heym