Seu

Seu hitzak elizbarruti bakoitzeko eliza nagusia adierazten du katalanez eta aragoieraz gotzainaren egoitza nagusia, katedrala, alegia. Hitzak du jatorria sedes hitz latinoan (euskaratuta: egoitza)^[1].

Hala nola Duomoak dauden Italiako hirietan, Aragoiko eta Herri Katalanetako hiri askotan Seu edo La Seu esan ohi zaio tradizionalki hiriko katedralari. Gazteleraz, Seo era hartu dute izen horietako batzuek^[1]. Adibideak:

• Zaragozako San Salvador katedrala, Seu d'o Salvador aragoieraz, La Seo tradizionalki gazteleraz.
• Lleidako La Seu Vella katedrala, La Seo Vieja gazteleraz.
• Palmako katedrala, La Seu de Mallorca tradizionalki katalanez.
• La Seu d'Urgell herriaren izena Katalunian.

Portugalen Sé termino parekidearekin ezagutzen dira zenbait katedral, halaber. Esate baterako, Sé do Porto portugesez, Portoko katedrala.