Edukira joan

Serofobia

Wikipedia, Entziklopedia askea

Serofobia pertsona seropositiboekiko aurreiritzia, beldurra, bazterketa eta diskriminazioa da. Seropositiboak GIBarekin bizi diren pertsonak dira, eta hauek tratu desberdina jasan dezakete, bai gizartean bai erakundeetan.[1] Oraindik ere GIBa sendabiderik ez duen birusa den arren, gaur egun tratamendua jasotzen duten pertsona seropositiboek HIESik inoiz garatu ez duten eta kutsatu eta gabeko pertsonen bizi-itxaropen bera izaten dute. Horrez gain, tratamenduak, birusa detektaezina eta, beraz, kutsaezina mantentzen du.[2][3][4][5]

GIB/HIESaren bidezko diskriminazioa mundu osoan gertatzen da, eta hor sartzen dira ostrazismoa, gaitzespena, diskriminazioa eta infektatutako pertsonekiko kontaktua saihestea. Estigmak GIBarekin bizi diren pertsonengan dituen ondorioek, batetik, GIBaren aholkularitzan eta probetan parte-hartze txikia izatea eragiten dute, eta, bestetik, beraien egoera serologikoa ezagutzen ez duten pertsonek, birusa daukaten jakiteko interesik ez izatea.

Diskiminazio horrek ondorio larriak ekartzen dizkie pertsona seropositiboei. Tartean, isolamendu soziala, harreman afektibotarako zailtasuna,[6] bakardadea, autoestimu baxua, identitate-krisia edo depresioa.[7]

Serofobiak GIB/HIESaren aurkako borroka oztopatzen du, eta pobreziarekin, homosexualitatearekin, bisexualitatearekin, transexualitatearekin edo promiskuitatearekin lotutako beste aurreiritzi batzuekin nahasita egon daiteke.[8][9][10] Herrialde batzuetan, diskriminazio instituzionalak murrizketak ezartzen dizkie. Zirkulazio-askatasunari, jabetza-eskubideari, lanerako sarbideari, eskolari, gizarte-zerbitzuei eta are etxebizitzari lotutakoak eta beste hainbat.[11][12][13]

Erreferentziak

[aldatu | aldatu iturburu kodea]
  1. ↑ (Gaztelaniaz) «La serofobia: un desafío social» Indetectables 2019-05-10 (Noiz kontsultatua: 2023-07-20).
  2. ↑ (Gaztelaniaz) «Cómo los portadores del VIH pueden tener una expectativa de vida "casi normal" 35 años después de que se desatara la epidemia de sida» BBC News Mundo (Noiz kontsultatua: 2023-07-20).
  3. ↑ (Gaztelaniaz) «Los nuevos infectados por VIH en España tienen una esperanza de vida similar a la población general» Médicos y Pacientes 2017-07-11 (Noiz kontsultatua: 2023-07-20).
  4. ↑ (Gaztelaniaz) «Indetectable = intransmisible» www.unaids.org (Noiz kontsultatua: 2023-07-20).
  5. ↑ (Gaztelaniaz) «Serofobia» Amigos contra el SIDA 2015-12-23 (Noiz kontsultatua: 2023-07-20).
  6. ↑ «GIBaren kaiola» EITB (Noiz kontsultatua: 2023-07-15).
  7. ↑ (Ingelesez) Parker, Richard; Aggleton, Peter. (2003-07). «HIV and AIDS-related stigma and discrimination: a conceptual framework and implications for action» Social Science & Medicine 57 (1): 13–24.  doi:10.1016/S0277-9536(02)00304-0. (Noiz kontsultatua: 2023-07-20).
  8. ↑ (Ingelesez) «Common at its core: HIV-related stigma across contexts» ICRW (Noiz kontsultatua: 2023-07-20).
  9. ↑ Herek, G.M.. (2002). Thinking about AIDS and stigma: A psychologist's perspective. Journal of Law, Medicine.
  10. ↑ Herek, G.M.; Capitanio, J.P.; Widaman, K.F.. (2002). Stigma, social risk, and health policy: Public attitudes toward HIV surveillance policies and the social construction of illness. Health Psychology.
  11. ↑ (Ingelesez) «HIVTravel - Home» www.hivtravel.org (Noiz kontsultatua: 2023-07-20).
  12. ↑ (Ingelesez) «HIV programming and best practice» Be in the KNOW (Noiz kontsultatua: 2023-07-20).
  13. ↑ (Gaztelaniaz) Índice de estigma y discriminación en personas con VIH. .

Kanpo estekak

[aldatu | aldatu iturburu kodea]
Wikiztegian orri bat dago honi buruz: serofobia .
"https://eu.wikipedia.org/w/index.php?title=Serofobia&oldid=9469915"(e)tik eskuratuta