Pinakoteka

Pinakoteka (pinacothēca latineko hitzatik eta πινακο edo "margolana", eta θήκη edo "bilduma" grezierako hitzetatik) margolan museoak edo arte galeriak dira. Beraz, margolanak erakusteko espazioak dira, nahiz eta batzutan eskulturak ere erakutsi. Horren arabera, orokorragoak diren museoek ere pinakoteka bat eduki detzakete haien barruan;^[1] hori da, adibidez, Donostiako San Telmo Museoaren kasua.

Atenasko Akropolian, ipar aldean, propileos izeneko ate monumentalak zeuden, han oholtxo margotuak gordetzen ziren eta espezio horrek πινακοθήκη izena zuen. Antzinako Grezian, tenpluen sarreretan, bestetik, jainkoen errepresentazioak erakusten ziren.

Asko dira mundu osoan ospetsuak diren pinakotekak. Hona hemen adibide batzuk:

• Errusian: Hermitage museoa, San Petersburgo.
• Espainian: Pradoko museoa, Madril.
• Ingalaterran: National Gallery, Londres.
• Frantzian: Louvreko Museoa eta Orsay museoa, Paris.
• Brasilen: São Pauloko arte museoa, São Paulo.
• Italian: Uffizi Galeria, Florentzian, eta Brerako pinakoteka, Milan.
• Ameriketako Estatu Batuak: Washingtongo Arte Galeria Nazionala, Washington.
• Vatikano: Vatikanoko pinakoteka, Vatikanoko Museoen barruan dago.

Gurean ez daude hain maila altuko pinakotekak. Dena dela, aberatsena, Bilboko Arte Ederren Museoarena da.

Izen hori Interneten bidez ikus daitezkeen margolan bilduma dira. Horietan margolanak digitalizatuak ikus daitezke, batzutan erresoluzio handiez. Horrelako proiektu ezagunetarikoa Google Arts & Culture da;^[2] proiektu horretan munduko hamazazpi instituzio handiak ari dira parte hartzen.^[3]

• Gliptoteka
• Protomoteka