Notre Dameko Unibertsitatea

Notre Dameko Unibertsitatea
Vita, Dulcedo, Spes
Datuak
Izen ofiziala	University of Notre Dame du Lac eta L’Université de Notre Dame du Lac
Mota	unibertsitate pribatua, irabazi-asmorik gabeko hezkuntza-erakunde pribatua, Unibertsitate katolikoa, argitaratzaile akademikoa eta sarbide irekiko argitaletxea
Jarduera sektorea	Goi hezkuntza
Herrialdea	Ameriketako Estatu Batuak
Jarduera
Kidetza	ORCID, Digital Library Federation (en) , Association of Research Libraries (en) , Atlantic Coast Conference, arXiv (mul) , Association of American Universities (en) , DataCite (en) , American Council on Education (en) , Higher Education Leadership Initiative for Open Scholarship (en) , Liburutegien Elkarte eta Erakundeen Nazioarteko Federazioa, Coalition for Networked Information, Center for Research Libraries (en) eta Scholarly Publishing and Academic Resources Coalition (en)
Eskumendekoak	Helen Kellogg Institute for International Studies, University of Notre Dame (en) , Kroc Institute for International Peace Studies, University of Notre Dame (en) , Institute for Structure and Nuclear Astrophysics (en) , Hesburgh Libraries (en) , Donald R. Keough School of Global Affairs (en) eta Center for Research Computing, University of Notre Dame (en)
Enplegatuak	1.396 (2020)
Erabilitako hizkuntza	ingeles
Ikasle-kopurua	12.683 (2019)
Onarpen-tasa	0,19 (2020)
Agintea
Lehendakaria	John I. Jenkins (en)
Osatuta	Stepan Center (en)
Legezko forma	Nonprofit Corporation (mul)
Zeren jabe	Notre Dame Stadium (en) , Compton Family Ice Arena (en) , Main Building (en) , University of Notre Dame School of Architecture (en) , WSND-FM (en) eta LaFortune Student Center (en)
Ekonomia
Aktiboak	18.413.619.000 $ (2020ko ekainaren 30a)
Historia
Sorrera	1842ko azaroaren 26a
Sortzailea	Edward Sorin
webgune ofiziala

Notre Dame du Laceko Unibertsitatea, soilik Notre Dameko Unibertsitatea (ingelesez: University of Notre Dame) bezala ezagutua, AEBetako unibertsitate pribatu bat da, Gurutze Santuko Kongregazioko katolikoa , AEBetako Indiana estatuko Notre Damen dagoena.

Unibertsitatea 1842ko azaroak 26an sortu zen Notre Dame du Lac izenarekin, frantsesez "Lakuko Gure Andrea" edo "Lakuko Andre Maria" esan nahi duena, unibertsitatea sortu zuten frantziar jatorrikoa zen Gurutze Santuko kongregazio erlijiosoko fraideek unibertsitatea eraikiko zen eremuaren barnean laku bat aurkitu baitzuten. Benetan, bi laku daude, baina, elezaharrak dioenez, negua zen tokia lehen aldiz bisitatu zutenean, eta lakuak izoztuta zeudela eta guztia elurtuta zegoela kontutan hartuta, laku bakar bat zela pentsatu zuten. Dirudienez, potawatomi tribuko indiarrek neurri handi batean lagundu zuten unibertsitatea garatzen, Gurutze Santuko kongregazioko anaiekin elkarlanean.

Notre Dameko Unibertsitatea unibertsitate katoliko bat da alde guztietatik. Andre Maria Birjinaganako gurtza etengabe nabarmentzen da, eta bere irudiak koroatzen du eraikin nagusiko kupula. Unibertsitate bizileku guztiek kapera bat dute, eta gela guztietan dago gurutze bat. Ikasleen %80 baino gehiago katoliko praktikanteak dira. Hala ere, eztabaida handia eragin zuen Barack Obama presidenteari 2009ko maiatzak 17an honoris causa doktoretza bat eman izanak. Notre Dameko errektorea zen John I. Jenkins Aitak, Obamari emandako sariak bere aukeraketa historikoa eta pobreziaren aurkako bere borroka programa errekonozitu nahi zuela adierazi zuen. Alabaina, katoliko ugarik saria abortuaren bultzatzaile sutsua zen bati eman izanagatik protestatu zuten (presidentetza hartu bezain pronto hartu zuen lehen neurrietako bat atzerrian abortua sustatzeko finantzazio federalari betoa kentzea izan zen). 50 estatubatuar gotzain eta 300.000 hiritar baino gehiago Obama saritua izatearen aurka agertu ziren, eta Mary Ann Glendon estatubatuar enbaxadore ohiak, intelektual ospetsua eta Harvarden Zuzenbide irakaslea zena, unibertsitateko Laetare Medal domina jasotzeari uko egin zion, Obama gonbidatua zegoen zeremonia berean eman zitzaiona.

Campusak 1250 akre (5 kilometro karratu inguru) hartzen ditu South Bendetik ipar-ekialdera. Bi laku eta 136 eraikin ditu.

Notre Dame lehen mailako potentzia bat da NCAAko I. Dibisioan. Txapelketa nazionalak lortu ditu emakumezkoen saskibaloian (2001), emakumezkoen futbolean (1995, 2004), gizonezkoen eskriman (1977, 1978 eta 1986), emakumezkoen eskriman (1987) eskrima mistoan (1994, 2003, 2005), gizonezkoen golfean, gizonezkoen tenisean eta gizonezkoen crossean. Baina talderik garrantzitsuena, zalantzarik gabe, futbol amerikarrekoa da, 13 titulu nazional lortu dituena (1924, 1929), 1930, 1938, 1943, 1946, 1947, 1949, 1953, 1966, 1973, 1977 eta 1988). Estadio Unibertsitarioan jokatzen du, 80.795 ikuslerentzako tokia duena eta partida guztietan sarrera guztiak saltzen dituena.

• (Ingelesez)Webgune ofiziala