NanoGUNE

nanoGUNE
CIC nanoGUNEren eraikina
Kokapena
Herrialdea	Euskal Herria
Probintzia	Gipuzkoa
Udalerria	Donostia
Koordenatuak	43°18′17″N 2°00′26″W / 43.304772°N 2.007267°W / 43.304772; -2.007267
Historia eta erabilera
Irekiera	2006
Zuzendaria	Jose Maria Pitarke
Arkitektura
Webgune ofiziala

CIC nanoGUNE irabazi-asmorik gabeko ikerketa-zentro bat da, Donostiako (Gipuzkoa) Tolosa hiribidean kokatua, nanozientziaren eta nanoteknologiaren ezagutzaren mugan jarduten duena. 2009an sortu zen, ikerketa-zentro kooperatibo gisa, Eusko Jaurlaritzaren laguntzarekin, eta zentro kontsolidatu izendatu zuen Espainiako Hezkuntza eta Zientzia Ministerioak 2010ean.

"Txikitasunaren erronka handia" esaldiarekin laburbiltzen du Jose Maria Pitarke ikerketa-zentroko zuzendariak nanoGUNEren filosofia. Ikerketa-zentroaren helburua da nanozientziaren eta nanoteknologiaren alorreko ikerketa sustatzea eta koordinatzea, nanoteknologian oinarritutako industria garatzeko eta teknologia-transferentzia sustatzeko.

Hainbat arlotako ikerketa-taldeak ditu: nanomagnetismoa, nanooptika, automihiztadura, nanobiomekanika, nanogailuak, mikroskopia elektronikoa, nanomaterialak, teoria eta nanoirudia.

Punta-puntako azpiegiturak ditu 6.200 m²-ko eraikinean. Besteak beste, 300 m²-ko areto zuria du, eta 15 laborategi ultrasentikor.

Hauek dira CIC nanoGUNEren gaur egungo bazkideak: DIPC, UPV/EHU, Tecnalia, IK4, Gipuzkoako Foru Aldundia, CAF, Petronor eta IKOR.^[1]

2014ko abenduaren 13an jakin zenez, CTECHnano enpresa sortu zuen CIC nanoGUNEk.^[2]

1. «CAF, Petronor eta IKOR, CIC nanoGUNEko bazkide gaurdanik», Euskadi+innova, 2015-16-18
2. «CTECHnano enpresa sortu du CIC Nanogunek», Berria, 2014-12-13

• Ikerbasque

• nanoGUNEren webgunea
• nanoGUNE ezagutu. Teknopolis. EITB.com
• ETPN (Nanomedicine European Technology Platform) (Ingelesez)
• Nanozientzia-masterra (Ingelesez)
• nfo12 nazioarteko konferentzia (Ingelesez)
• imagineNano 2015 nazioarteko konferentzia (Ingelesez)
• CIC Network
• Innobasque