Naim Süleymanoğlu

Naim Süleymanoğlu
Bizitza
Jaiotza	Ptichar (en) , 1967ko urtarrilaren 23a
Herrialdea	Bulgaria ; Turkia
Heriotza	Istanbul, 2017ko azaroaren 18a (50 urte)
Hobiratze lekua	Edirnekapı Martyr's Cemetery (en)
Heriotza modua	: zirrosia
Familia
Haurrideak	ikusi Muharrem Süleymanoğlu (en) ;
Hezkuntza
Heziketa	Gazi University (en)
Hizkuntzak	turkiera
Jarduerak
Jarduerak	pisu-jasotzailea
	Parte-hartzailea 2000ko Udako Olinpiar Jokoak ; 1996ko Udako Olinpiar Jokoak ; 1992ko Udako Olinpiar Jokoak ; 1988ko Udako Olinpiar Jokoak ;
Pisua	64 kilogramo
Altuera	147 zentimetro
Jasotako sariak	ikusi State Medal of Distinguished Service (Turkey) ;
Izengoitia(k)	Джобния Херкулес eta Cep Herkülü
Sinesmenak eta ideologia
Alderdi politikoa	Nationalist Movement Party (en)

Naim Süleymanoğlu, jaiotza izena Naim Suleimanov (bulgarieraz: Наим Сюлейманов; Ptitxar, Momtxilgrad, Kardzhali probintzia, 1967ko urtarrilaren 23a - Istanbul, 2017ko azaroaren 18a), bulgariar jatorriko turkiar halterofiloa izan zen. Halterofiliaren historiako kirolaririk onenetako bat izan zen: zazpi aldiz munduko txapeldun eta hirutan Olinpiar Jokoetako txapeldun.

Bizitza

12 urterekin hasi zen pisuak jasotzen, eta halterofiliako junior mailako munduko txapelduna izan zen 14 urterekin. 15 urterekin hautsi zuen lehen aldiz munduko errekorra, eta hamaseirekin bere gorputzaren pisua halako hiru altxatzea lortu zuen (metro eta erdiko luzera zuen eta hirurogeita zazpi kiloko pisua); halterofiliaren historian hori lortzen zuen bigarren kirolaria izan zen.

1986an, turkiar etnia xurgatzeko Bulgariako gobernuak hartu zituen neurriak eragin zioten, hala nola mezkitak ixteak eta jai eta lurperatze musulmanak debekatzeak. 1988an egin zuen debuta Olinpiar Joko batzuetan, Seulen, eta munduko lau errekor hautsi zituen, artean berdindu ez diren markak ezarriz. 1992ko Olinpiar Jokoetan, Bartzelonan, eta 1996an, Atlantan, garaile atera zen berriro. Bi urte lehenago, Melbourneko munduko txapelketan, Bulgariako selekzioarekin parte hartzen ari zela, taldetik desertatu zuen. Turkian babes politikoa eskatu zuen eta izena aldatu zuen. Atlantan bere pisua halako bost altxatzea lortu zuen.

Erretiratu ondoren, politikan sartu zen, Turkiako Abertzale Ekintza alderdian, eta Kiraç herriko alkatetzarako hautagaia izan zen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2017/8/24 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Naim Süleymanoğlu

Datuak: Q311259
Multimedia: Naim Süleymanoğlu / Q311259