Mourid Barghouti

Mourid Barghouti
Irudi gehiago
Bizitza
Jaiotza	Bani Zeid, 1944ko uztailaren 8a
Herrialdea	Palestinako Britainiar Mandatua  (1944 -  1948)  Jordania  (1948 -  1988)  Palestina  (1988 -  2021)
Lehen hizkuntza	arabiera
Heriotza	Amman, 2021eko otsailaren 14a (76 urte)
Familia
Ezkontidea(k)	Radwa Ashour (en)
Seme-alabak	ikusi Tamim al-Barghouti
Hezkuntza
Heziketa	Kairoko Unibertsitatea
Hizkuntzak	arabiera
Jarduerak
Jarduerak	poeta
Lan nabarmenak	ikusi I Saw Ramallah (en) I Was Born There, I Was Born Here (en)
Jasotako sariak	ikusi Naguib Mahfouz Medal for Literature  (1997) : I Saw Ramallah (en)

Mourid Barghouti (arabieraz: مريد البرغوثي‎; Deir Ghassana, Zisjordania, 1944ko uztailaren 8a; Amman, Jordania, 2021eko otsailaren 14a)^[1] poeta eta idazle palestinarra izan zen.^[2]

Barghouti Ramallahn hazi zen, bere hiru anaiekin batera. 1960ko hamarkadaren erdialdean, Kairoko Unibertsitatera (Egipto) joan zen ikastera, eta azken ikasturtean zegoenean, 1967an, Sei Eguneko Gerra hasi zen. Gerra amaitzean, Israelek Gaza eta Zisjordania bereganatuak zituen, eta Barghoutik ezin izan zuen jaioterrira itzuli. Barghouti Kuwaitera joan zen eta hango Industrial Collegen lan egin zuen hasieran, irakasle. Aldi berean, literaturarekiko eta poesiarekiko interesa garatzen hasi zen, eta laster argitaratu zituen idatzi batzuk Beiruteko al-Adab eta Mawaqif aldizkarietan eta Kairoko Al-Ahram kazetan. 1968an, Naji al-Ali ilustratzaile palestinarra ezagutu zuen, garai hartan hark ere Kuwaiten lan egiten baitzuen.

1970ean, Barghouti Radwa Ashour nobelagile eta akademiko egiptoarrarekin ezkondu zen. Seme bat izan zuten, Tamim Al Barghouti, gaur egun poeta ezaguna dena.

Urtebete geroago, Barghouti eta haren emaztea Egiptora joan ziren.

Barghoutik 1972an argitaratu zuen bere lehen poesia-liburua (Dar al-Awdeh) Beiruten. Horren atzetik beste 12 poesia liburu argitaratu zituen. Bere Lanak Beiruten argitaratu ziren 1997an. The Aldeburgh Poetry Trust-ek 2003an argitaratu zion ingelesez Small Sun izeneko lana. 2000. urtean "Palestinako Poesia Saria" jaso zuen. Bere olerkiak aldizkari arabiarretan eta nazioartekoetan argitaratu dira, eta ingelesezko itzulpenak hainbat aldizkaritan. Bere poema ezagunenetako bat Pen International aldizkariaren azalean agertu zen.^[3]

1977ko udazkenean, Egiptotik erbesteratu zuten Barghouti, Anuar as Sadatek Israelera egin behar zuen bisita zela eta, eta 17 urte geroago baizik ez zuen itzultzerik izan. Hamazazpi urte horietan, Barghouti familiarengandik urrun bizi izan zen gehienetan; familia Kairon zegoen, eta bera Budapesten bizi izan zen, Gazteria Demokratikoaren Munduko Federazioko OLPren ordezkari eta kultura agregatu gisa.^[4]

Osloko akordioei esker, azkenean, 1996an Barghouti Zisjordaniara eta Ramallahra itzuli zen, 30 urtez erbestean egon ondoren.^[5] Gertakizun horretan oinarrituta idatzi zuen Ra'aytu Ram Allah (Ramallah ikusi nuen) nobela autobiografikoa (Kairo, 1997). Lan horri esker irabazi zuen Literaturako Naguib Mafhouz Domina urte hartan bertan. Liburua hainbat hizkuntzara itzuli da, eta Palestinako kulturaren munduko beste pertsona garrantzitsu batzuk ere azaltzen dira, hala nola Ghassan Kanafani eta Naji al-Ali. Europan batez ere liburu horrengatik da ezaguna, baina mundu arabiarrean ezagunagoa bere 12 poesia liburuengatik.

• Mourid Barghouti World Median
• Saiakerak
• Argazkiak
• Elkarrizketa The Guardian egunkarian