Magreb Arabiarraren Batasuna

Magreb Arabiarraren Batasuna
Datuak
Izen ofiziala	الاتحاد المغاربي eta ⵜⴰⵎⵓⵏⵜ ⵏ ⵍⵎⵖⵔⵉⴱ
Izen laburra	الاتحاد المغاربي eta ⵜⴰⵎⵓⵏⵜ ⵏ ⵍⵎⵖⵔⵉⴱ
Mota	eskualde erakundea, political economic union (en) , supranational union (en) eta Konfederazioa
Jarduera sektorea	international governmental or non-governmental organizations (en)
Herrialdea	Globality (en)
Jarduera
Honen parte	Maghreb Economic Area (en)
Historia
Sorrera	1989
Sortzailea	Maroko Aljeria Tunisia Libia Mauritania
webgune ofiziala

Magreb Arabiarraren Batasuna (MAB; arabieraz: اتحاد المغرب العربي‎ Ittiḥād al-Maghrib al-‘Arabī; frantsesez: Union du Maghreb arabe, UMA) Afrika iparraldeko Magreb lurraldeko zenbait estatu biltzen dituen erakunde politikoa da.

1989an sortu zuten, lurralde hartako egoera ekonomiko, politiko, militar, kultural eta soziala sustatzeko, eta etorkizunean Ipar Afrikako merkatu komun bat sortzeko. Estatu sortzaile eta kideak Aljeria, Libia, Maroko, Mauritania eta Tunisia dira. Erakundearen egoitza Tunisiako hiriburuan, Tunisen, dago. Erakundearen organorik gorena Presidentzia Kontseilua da; bost herrialde kideetako buruzagiek osatzen dute, eta bi urtetik behin biltzen dira. Presidentzia Kontseiluaren bilerak prestatzea, Atzerri Ministroen Kontseiluaren betebeharretako bat da. Aholkularitza talde bat ere sortu dute, Aholkularitzarako Kontseilua, herrialde bakoitzeko hamarna ordezkariz osatua. Administrazio lanak Idazkaritza Nagusiaren esku daude. Justizia Auzitegi bat ere bada, herrialde bakoitzeko bina epailez osatua. Erakundearen Presidentzia txandakakoa da. Magreb lurraldeko arazo politiko eta ekonomikoak direla-eta, sorrerako helburuak betetzeko zailtasunak sortu dira. 1994 arte onartuta zeuden egitasmo batzuk: merkataritza librerako eremu baten sorrera, garraiobideen hobekuntzak, airelinea komunak sortzea, mugen batasun baten sorrera eta kanpo merkataritzarako eta inbertsiotarako Magrebeko banku bat osatzea. Lorpen nagusiak izan dira batetik, inbertsiotako magrebiar banku baten sorrera, eta bestetik, Europar Batasunarekiko itun bat, etorkizunean (behin herrialde kideen artean merkataritza eta diru batasuna lortutakoan) negoziaziotan hasteko. Hori lortzeko, ordea, lehendabizi lurralde hartako zenbait arazo konpondu beharko dituzte, Sahara mendebaldekoa eta Aljeriako Gerra Zibila esate baterako.

Herrialdea	Azalera (km²)	Biztanleria (milioi, 2011)	BPG (PPP) (USD, per capita)	BPG (nominal) (bilioi USD)	GGI (2014)[1]
Aljeria	2.381.741	37,1	7.200	183,4	0,717
Libia	1.759.540	6,7	14.100	177,9	0,784
Mauritania	1.025.520	3,4	2.200	4	0,487
Maroko	710.850	32,3	5.100	103,8	0,617
Tunisia	163.610	10,7	9.500	48,9	0,721
MAB	6.041.261	88,5	7.620	516	0,665