Jorge Nagore

Jorge Nagore
	;
Bizitza
Jaiotza	Irurtzun, 1971ko irailaren 27a (53 urte)
Herrialdea	Nafarroa Garaia, Euskal Herria
Familia
Haurrideak	ikusi Txomin Nagore;
Hezkuntza
Hizkuntzak	gaztelania; euskara
Jarduerak
Jarduerak	pilotaria

Artikulu hau pilotariari buruzkoa da; beste esanahietarako, ikus «Nagore (argipena)».

Jorge Nagore Arbizu, pilota arloan Nagore deituraz ezaguna (Irurtzun, Nafarroa Garaia, 1971ko irailaren 27a) esku huskako pilotari profesional ohia da. Aurrelari jokatzen zuen, Asegarce enpresarekin 1993-2004 bitartean, Aspe enpresarekin 2004-2006 bitartean, eta Frontis enpresarekin 2006-2011 bitartean.^[1] Profesionaletako estreinako partida 1993ko uztailaren 16an jokatu zuen, Zarauzko Aritzbatalde pilotalekuan. Txomin Nagore futbolariaren anaia da.

Hirutan jantzi zuen lau eta erdiko txapel nagusia: 1995ean, 1998an eta 2003an; horrenbestez, lehiaketa horretan inoizko pilotari onenen artekoa da. 1999an Errandonearekin Binakako Txapelketa Nagusia irabazi zuen, Berasaluze VIII.a eta Beloki mendean hartuta.

Nabarmenak ziren Nagoreren sake bortitza eta bi eskuekin egiten zituen txapa gainekoak; bi jokaldi horiekin tanto ugari lortzen zituen.^[1]

Kirol lorpenak

Urtea	Txapeldunak	Txapeldunordeak	Emaitza	Pilotalekua
1999⁽¹⁾	Nagore - Errandonea	Berasaluze VIII.a – Beloki	22-17	Atano III.a

Urtea	Txapelduna	Txapeldunordea	Emaitza	Pilotalekua
1995	Nagore	Unanue	22-18	Ogeta
1996	Arretxe	Nagore	22-08	Ogeta
1998	Nagore	Eugi	22-11	Ogeta
2000	Eugi	Nagore	22-05	Labrit
2003	Nagore	Titin III.a	22-15	Ogeta