Giovanni Battista Langetti

Giovanni Battista Langetti
Irudi gehiago
Bizitza
Jaiotza	Genova, 1625
Herrialdea	Veneziako Errepublika
Heriotza	Venezia, 1676ko urriaren 22a (50/51 urte)
Hezkuntza
Hizkuntzak	Veneziera
Irakaslea(k)	Pietro da Cortona Giovanni Francesco Cassana (en)
Jarduerak
Jarduerak	margolaria
Lantokia(k)	Venezia
Mugimendua	Tenebrismoa
Genero artistikoa	erretratua

Giovanni Battista Langetti, baita ere Giambattista Langetti (Genova, 1635 – Venezia, 1676ko urriaren 22) barroko berantiarraren margolari italiarra izan zen. Genovan, Erroman eta, batez ere, Venezian lan egin zuen. Biolentzia haien margoen ezaugarria da.^[1][2]

Genovan jaioa han Gioacchino Assereto artistarekin ikasi zuen. Ondoren, Erroman, Pietro da Cortonarekin. 1650. hamarkadan Napolitik pasa omen zen; han José de Ribera, Francesco Fracanzano eta Luca Giordanoren obra ezagutuko zuen. Riberaren eragina zenbait lanetan nabaria da, esaterako San Jeronimoren bisioa (Clevelandeko Arte-museoa). 1656an izurritea Napolin jo zuen eta Langetti, ziur aski Luca Giordanoren aholkua jarraituz, Venezian babestu zen. Venezian Genovako Giovanni Francesco Cassana, bigarren mailako margolariarekin, haren ikasketak burutu zituen.

Bi hamarkadetan Venezian Langettik margolan asko egin zituen. Haren estiloa Caravaggioren tenebrismotik gertu zegoen. Lan ilunak eta biolentoak ziren. 120 daude katalogatuta baina gehiago ari dira aurkitzen. Venezian Johann Karl Loth eta Antonio Zanchi margolarien eragina ezagutu zuen.^[3]

Bere lan gehienak gorputz erdiko irudiak dira, gehienak biluztuak. Bezeroak Veneto eta Lombardiako aberatsak zire. Hauek dira margolan ezagun batzuk:

• Katonen buruaz bestea (Sao Paulo, bilduma pribatua)
• Ixionen tortura (Puerto Rico, Ponce Arte Museoa)
• Maria Magdalena gurutzearen oinean (Santa Teresa, Venezia)^[4]

• 
  Ixionen tortura.
• 
  San Jeronimoren bisioa.
• 
  Arkimedes.
• 
  Sanson edaten.
• 
  Tizio.

• (Italieraz):Langettiren biografia.

Wikimedia Commonsen badira fitxategi gehiago, gai hau dutenak: Giovanni Battista Langetti