Chelsea Football ClubLondreskofutbol taldeetako bat da, Ingalaterrako hoberenetarikoa azken urteotan. 1905ekomartxoaren 14ean sortu zen, Rising Sun izeneko pubean. Stamford Bridge futbol zelaian jokatzen ditu partiduak; guztira 42.360 lagunentzako edukiera du. 2003. urtean taldea Roman Abramovicherrusiar aberatsak erosi zuen. 2022ko maiatzean, Abramovichek kluba Todd Boehly enpresari estatubatuarrari saldu zion, zigorrak zirela eta. Zigor hauek Vladimir Putinen aliatu estu gisa zerrendatuta egotearen ondorio izan ziren, eta Putinek Ukrainaren inbasioari erantzun zion.
Ingalaterrako lehen mailako 5 liga eta 7 kopa irabazi ditu. Halaber, UEFAko Txapeldunen Ligan birritan izan da txapeldun (2012an eta 2021ean) eta beste bina Europako Errekopa eta Europako Liga eskuratu ditu.
Gus Mearsek Stamford Bridge estadioa erosi zuen eta Fulhamekin bertan jokatzeko negoziazioek huts egitean bere talde propioa sortzea erabaki zuen, auzoko izena erabiliz: Chelsea Football Club. 1905eko martxoaren 10ean fundatu zen The Rising Sun tabernan.
1915ean Kopa finala jokatu bazuten ere lehenengo titulua lortzeko 1955 arte itxaron behar izan zuen, orduan Liga irabazi zuen. 1970an Kopa irabazi zuen eta honi esker iritsi zen Europa mailako lehen titulua, Europako Errekopa.
70. hamarkadaren bukaeran Stamford Bridgen zabalkunde nahiek taldeari diru arazo larriak sorrarazi zizkion eta 1983an hirugarren mailaraino jeitsi zen.
1989an itzuli zen lehen mailara. 1992an Premier League txapelketa berria abiarazi zen eta taldearen mailak nabarmen egin zuen gora, batez ere 1997ko Kopako garaipenak bultzatuta. 20 urte lehenago gertatu bezala, honi esker Europako garaipen berriak iritsi ziren 1998an, Errekopa eta Superkopa.
Roman Abramovich bilionario errusiarrak taldea erosi eta diru andana sartu zuen. Hiru Premier League irabazi bazituen ere kostatu zitzaion Txapeldunen Liga lortzea. 2012an izan zen, Bayern Munichi penaltietan irabazi zion. Bolada onari jarraituz 2013an Europa Leaguea irabazi zuen. 2014an José Mourinho entrenatzailea berreskuratu zuen eta liga berri bat irabazi zuen inoizko puntu diferentzia handienarekin.
2015ean Liga irabazi ondoren denboraldi negargarria burutu zuen 2016an. Denboraldi erdialdera Mourinho kaleratua izan zen eta azkenean 10. postuan gelditu zen Ligan. Antonio Conte entrenatzaile italiarra fitxatu zuen orduan eta 2016-17 denboraldia berriz ere bikaina izan du, Liga irabazi baitu puntuen errekorra lortuz (93 puntu) eta denboraldi bakarrean partida gehien irabaziz (30 partida). 2018-19 denboraldian UEFA Europa League txapelduna izan zen eta 2020-21 denboraldian bigarren Txapeldunen Liga eskuratu zuen, Manchester Cityri 1-0 irabazita. Cesar Azpilikueta nafarrak altxatu zuen Kopa. 2022ko otsailean FIFAren Kluben arteko Munduko Kopa irabazi zuen, finalean Palmeiras brasildarra 2-1 garaituz.
Todd Boehly
Mauricio Pochettino
.jpg)
SC Corinthians
Manchester United
Bayern Munich
Real Madril
SL Benfica
Datuak: Q9616
Multimedia: Chelsea F.C. / Q9616
.svg)
