Bosgarren Koalizioko Gerra

Bosgarren Koalizioko Gerra
Napoleondar Gerrak eta Koalizioaren Gerrak
Napoleon Wagramgo guduan
Data	1809ko apirilaren 10a – 1809ko urriaren 14a
Lekua	Erdialdeko Europa, Italia eta Herbehereak
Emaitza	Frantsesen garaipena
Gudulariak
Austriar Inperioa  Tirol  Britainia Handia eta Irlandako Erresuma Batua  Espainia  Sardiniako Erresuma  Siziliako Erresuma Legio beltza Frantziar Errepublika  Bataviar Errepublika  Napoleondar Italia Etruriako Erresuma  Napoliko Erresuma  Bavariako hauteslerria  Württembergeko Erresuma Holandako Erresuma  Suitza Poloniar legioak

Bosgarren Koalizioko Gerra 1809an Frantzia Iraultzailea geldiarazteko Europako zenbait boterek zuzendutako ahalegin militarra da, Napoleon boteretik kentzea eta frantziar eragina gutxitzea asmoa zuena.^[1] Koalizio hori Austriar Inperioak eta Britainia Handia eta Irlandako Erresuma Batuak zuzendu zuten.

Erresuma Batua jada Frantziaren aurka borrokan ari zen, Iberiar Penintsulako Gerran espainiar matxinoekin aliatuta. Aldi berean, Austriar Inperioak armada berri bat errekrutatu zuen, Pressburgeko Itunarekin amaitu zen aurreko gerraren porrotaren ondoren (Hirugarren Koalizioa) ezarritako baldintza kaskarrak bueltatzeko. Austriak, defentsa motako operazio txikiagoetan garaipen batzuk lortu zituen arren, Errusia eta Prusia koalizioan ez egoteak, austriarren zenbakizko gutxiagotasuna suposatu zuen frantziar armada erraldoien aurrean. Honek, ondoren, Wagramgo guduaren porrota suposatu zuen. Frantziarrek Austria Schönbrunneko Ituna sinatzera behartu zuten, zeinaren ondorioz Napoleonen aurrean are lurralde gehiago galdu zuen.