Begirale

Hezkuntzan, begiralea haur eta gazte talde baten jolas, kirol eta bestelako aisialdi eta hezkuntza jardueretan, horiek zuzendu eta taldearekiko ardura eta erantzukizuna dituen pertsona da. Jarduera horiek hezkuntzaren osagarriak izaten dira, eskolan burutu eta irakasle eta maisu-maistren ardura diren jarduerak bezala. Adibidez, begiraleek udaleku, eskolako jantoki eta eskolako autobusetan egiten dute lana.