Almansa

Almansa
	Espainiako udalerria
	Irudi gehiago
Administrazioa
Estatu burujabe	Espainia
Autonomia	Gaztela-Mantxa
Probintzia	Albaceteko probintzia
Alkatea	Francisco Javier Núñez Núñez (en)
Izen ofiziala	Almansa
Posta kodea	02640
INEk ezarritako kodea	02009
Herriburua	Almansa
Geografia
Koordenatuak	38°52′06″N 1°05′52″W / 38.8682°N 1.0979°W
Azalera	531,91 km²
Altuera	712 m
Mugakideak	Alpera, Caudete, Montealegre del Castillo, Ayora, Bonete, Enguera, La Font de la Figuera, Villena eta Yecla
Demografia
Biztanleria	24.282 (2023); 58 (2022)
Dentsitatea	46 bizt/km²
Informazio gehigarria
Telefono aurrizkia	967
Ordu eremua	UTC+01:00
Hiri senidetuak	Scandiano, Sent Medard de Jalas, Lymington eta La Güera (en)
Matrikula	AB
	almansa.es

Almansa Albaceteko probintziako (Gaztela-Mantxa, Espainia) ekialdeko udalerri bat da. 2015an 24.837 biztanle zituen. Musulmanen garaian sorturiko herria da, historia handikoa. 1241ean kristauen esku geratu zen, eta 1476an Gaztelari batu zitzaion. Espainiako Levante eskualdearen eta goi-lautadaren arteko komunikaziogune garrantzitsua da.

Inguru naturala

Geografikoki, Almansa, 700 metro inguruan kokatzen den lautada batean dago. Iberiar penintsulako periferiatik goi-lautadara igarotzeko pasabide naturala da. Kokagune berezi horrek, izaera estrategikoa eman dio Almansari, eta Valentzia eta Madrilen arteko komunikazio ardatzaren erdian dago.

Demografia

Almansak 24.837 biztanle ditu, 2015ko urtarrilaren 1eko datuen arabera. Biztanleriaren hazkundea jarraia izan da XX. mende osoan zehar. Hazkunde hori, mantsoa izan zen mendearen azken erdian, eta 1940ko hamarkadatik 1950eko hamarkadara eten egin zen. Izan ere, garai hartan Almansako biztanle askok tamaina handiagoko Albacetera emigratzeko joera zeukaten.

Dena den, garraioak hobetu eta herrian hainbat azpiegitura eraikitzearekin batera, inguruko herri txikiagoetako biztanleriaren jomuga bihurtu zen Almansa. XX. mendearen bigarren erdian, eta batez ere 2000. urtetik aurrera, Almansak etengabeko hazkundea bizi izan du, hegoamerikar immigrazioa dela eta.