Alde Zaharra (Elorrio)

Elorrioko Alde Zaharra
Euskal Herria
Kanpokaleko Atea
Kokapena
Herrialdea	Bizkaia
Udalerria	Elorrio
Geografia
Koordenatuak	43°07′49″N 2°32′32″W / 43.13017°N 2.54231°W / 43.13017; -2.54231

Elorrioko Alde Zaharra Bizkaiko Elorrio udalerriko herrigune historikoa da. Elorrioko ezaugarririk nabarmenetarikoa oroigarriz beteriko udalerria izatea da. 1964an Monumentu Multzo Historiko-Artistiko izendapena era ofizialean jaso zuen Bizkaiko lehenengo udalerria izan zen.

Kalerik kale joanez gero, jauregi asko topa daitezke, gehienak XVI-XVII. mendekoak. Bertako biztanleen ondasun oparotasuna isladatzen duten berpizkunde eta barroko tankeretako eraikinak.

Eraikin hauen ezaugarri nagusienetakoa jabedunen aitor-semetasuna aldarrikatuz beraien etxaurreetan harro agertzen dituzten armarriak dira, bai eta beraien lorategietara begira dauden egutera zabalak ere.

Jauregi, eraikin eta armarri guzti hauek bisitatzeko modurik onena, Ondare Ibilbidea delakoa egitea da. Horretarako Elorrioko udalak doako audiogida eskaintzen dizu.

• Sortzez Garbiaren eliza

• Aldapebeitiatxikia jauregia – XVI. mendea, errenazentista.
• Arabio jauregia – XVI. mendea, errenazentista. Fatxadan armarri ikusgarria du, marmol zuriz egindakoa. Hegoaldeko fatxadan arkudun galeria bikoitza dauka.
• Ibarguen-Urkizu jauregia – XVI. mendea, errenzentista.
• Iturbe jauregia – XVI. mendea, errenazentista.
• Larreategi jauregia – XVI. mendea errenazentista. Karaktere gotikoz idatziriko harria du horma ertzean, 1542koa.
• San Fausto errebaleko etxea. XVI. mendea.
• San Fausto errebaleko jauregia – XVI. mendea, errenazentista.
• Suso errebaleko jauregitxoa –XVI. mendea, errenazentista.

• Aldapebeitia jauregia – XVII. mendea, barrokoa.
• Altzerreka-Mendiola jauregia – XVII. mendea, barrokoa.
• Arespakotxaga-Andueza jauregia. Txintxirri.- XVII. mendea, barrokoa.
• Arespakotxaga-Azkarraga jauregia – XVII. mendea, barrokoa.
• Arespakotxaga-Mendibil jauregia – XVII mendea, barrokoa. Jauregiak duen arku zorrotza herriko seigarren atea zen.
• Arriola jauregia – XVII. mendea, barrokoa.
• Elorrioko udaletxea. XVII. mendea, barrokoa
• Iturri jauregia – XVII. mendea, barrokoa.
• Lariz jauregia – XVII. mendea, barrokoa.
• Lekerika-Otsa jauregia – XVII. mendea, barrokoa.
• Urkizu etxea – XVII. mendea, barrokoa. Antzinako armarria du sortaldeko horman.
• Urkizu-Iturbe jauregia –XVII. mendea, barrokoa.
• Urkizu-Tola jauregia. Tola – XVII.mendea, barrokoa. Oinplano karratua du eta lau ertzetan pinakuluak dituen horma dauka.
• Zearsolo jauregia. Casajara – XVII. mendea, barrokoa. Arkudun galeria ederra dauka eta balkoietako burdinaren eta teilatu-hegaleko zuraren lanketak arreta berezia eskatzen du.

• Esteibar-Arauna jauregia – XVIII. mendea, barrokoa. Esteibarren lehenengo armarria atzealdeko horman agertzen da. Jatorri ezezaguneko beste armarri bat dago ortuan.
• Kanpokaleko Atea – XIV. Mendea. Isabel I. erregina eta Fernando erregearen armarria dago harresiko arkuan.
• Otsa jauregia – XVIII. mendea, barrokoa.
• Urkizu jauregia - XVIII. mendea, barrokoa.

• Olazabal jauregia. Modet – XIX. mendea, neoklasiko.

• Urkizu Aldatsekua jauregia XX. mendea.

• Arriola Kultur Aretoa‎
• Hilario Azkarate pilotalekua‎