87 Silvia

87 Silvia
Irudi gehiago
Behaketa
Itxurazko magnitudea (V)	12,87
Magnitude absolutua	6,95
Gorputz-gurasoa	Eguzkia
Aurkitzailea	N. R. Pogson (en)
Aurkikuntza-data	1866ko maiatzaren 16a
Aurkikuntza-lekua	Madras Observatory (en)
Planeta txikien taldea	Asteroide gerrikoa eta Outer Main Belt (en)
Honen izena darama	Rea Silvia
Orain duen posizioa ikusi
Orbitaren ezaugarriak
Apoapsis	3,8039902724621 AU
Periapsis	3,150757781694 AU
Ardatzerdi handia	3,477374027078 AU
Eszentrikotasuna	0,093926118628795
Orbita-periodoa	2.368,5117080202 egun
Batezbesteko anomalia	35,43536975387 °
Makurdura orbitala	10,855 °
Goranzko nodoaren luzera	73,009552118257 °
Periapsiaren argumentua	264,62923803451 °
Ezaugarri fisikoak
Diametroa	253,051 km
Masa	14.780.000.000.000.000.000 kg
Dentsitatea	1,2 g/cm³
Tenperatura	151 K
Albedoa	0,043 0,046
Mota espektrala	P-type asteroid (en) eta X-type asteroid (en)
Behin-behineko izendapenak	A909 GA A866 KA
Nabigazioa
« 86 Semela • 88 Thisbea »

Silvia, asteroide gerrikoan aurkitutako 87. asteroidearen izena da. Silvia, asteroide ilargi bat baino gehiago duen lehen asteroide ezaguna izateagatik da garrantzitsua. Asteroide gerriko asteroiderik handienetako bat da, 260,9 kilometroko diametroarekin, eta, bere orbitagatik, eguzkitik 3,49 unitate astronomikoko distantziara dagoena, 65 Cibeles asteroidearen familiakoa da.

Madrasetik aurkitu zuen Norman Robert Pogsonek, 1866ko maiatzak 16an. Paul Hergetek bere Planeta ipotxen izenak lanean, izena, Camille Flamarion astronomoaren lehen emaztea zen Silvie Petiaux-Hugo Flammarionen omenezkoa dela dio, baina, asteroide honen aurkikuntza iragartzen zen artikuluan, Pogsonek, izena, Romulo eta Remoren ama zen Rhea Silviari erreferentzia eginez aukeratu zuela azaldu zuen.

Silvia, oso kolore ilunekoa da, eta, ziuraski, oso konposaketa primitiboa du. Bere ilargien aurkikuntzakm asteroidearen masa zehaztea ahalbidetu zuen (1,1x10¹⁹kg) baita bere dentsitatea ere (1,1 g zentimetro kubikoko. Bere dentsitatea oso baxua da, asteroidea oso porotsua dela adieraziz, asteroidearen %60 inguru, hutsik egon daiteke.

Silviak, bere inguruan, bi asteroide ilargi ditu biraka. Romulo eta Remo deitu izan dira, Rhea Silviaren bi semeak.

Romulo, lehen ilargia, 2001eko otsailak 18an aurkitu zuten, Keck II teleskopioarekin, 10 metrokoa, Mauna Keatik, Michael E. Brownek eta Jean-Luc Margotek (Kaliforniako Teknologia Institutua); satelite hau, H bandan lortutako irudietan aurkitu zuten, optika egokitzaileko sistema bat erabiliz. Bere izen osoa 87 1 Romulo da; bere izena jaso aurretik S/2001 87 1 bezala ezagutzen zen. 18 kilometroko diametroa du, eta, bere orbita, Silviagandik 1370 kilometrora dagoena, 87,6 ordutan betetzen du. Astronomoek, bere orbita ondo kalkulatu ahal izan zuten, bi hilabetetan zehar 27 aldiz argazkia atera baitzioten. Irudi horietako hamabitan, bigarren ilargi txikiago bat agertu zen.

Bigarren ilargia den Remoren aurkikuntza, 2005eko abuztuak 10ean iragarri zuten Frank Marchisek (Berkeleyko Unibertsitatea) eta Parisko Behatokiko Pascal Descamps, Daniel Hestroffer eta Jérôme Berthierrek iragarri zuten, Hegoaldeko Behatoki Europarreko Yepun teleskopioa erabiliz, Txileko Paranal Behatokian dagoena. Bere izen osoa 87 2 Remo da. Bere oraingo izena jaso aurretik, S/2005 87 2 deitua zen. 7 kilometroko diametroa du, eta, bere orbita, Silviagandik 710 kilometrora dagoena, 33 ordutan betetzen du.

Astronomoek, ilargi hauek, iraganean, beste asteroide batek Silviarekin talka egin zuelako eratu zirela uste dute, asteroidearen grabitateak harrapatu zituelarik. Ilargi txikiagoak ere aurki daitezkeela uste dute.