2008ko Udako Olinpiar Jokoak

2008ko Udako Olinpiar Jokoak
Jatorrizko izena	(zh) 第二十九届夏季奥林匹克运动会
Mota	Udako Olinpiar Jokoak
Denbora-tarte	2008ko abuztuaren 8a - 2008ko abuztuaren 24a
Data	2008
Edizio zenbakia	29
← 2004 2012 →
Kokaleku	Pekin
Herrialdea	Txinako Herri Errepublika
Partehartzaile kopuru	204 10.942
Parte-hartzaileak	Petr Svoboda (en) Tomáš Fučík (en) Liechtenstein at the 2008 Summer Olympics (en) Cayman Islands at the 2008 Summer Olympics (en) Kiribati at the 2008 Summer Olympics (en) Nauru at the 2008 Summer Olympics (en) Palau at the 2008 Summer Olympics (en) Homare Sawa Formiga (en) Carli Lloyd Fabiana da Silva Simões Malta at the 2008 Summer Olympics (en) Saint Kitts and Nevis at the 2008 Summer Olympics (en) Tom Daley
Maskota	Fuwa (en)
Beste batzuk
Kirol proba olinpiko	302
Osatuta
Igeriketa sinkronizatua 2008ko Olinpiar Jokoetan../... 35+
Webgune	olympics.com…

2008ko Olinpiar Jokoak gertakari honen XXIX. edizioa izan ziren. Txinako Beijing hirian ospatu ziren, 2008ko abuztuaren 8tik abuztuaren 24ra arte. Lehenengo aldia izan zen jokoak Txinan ospatzen zirela eta 10.500 kirolarik 28 kirol ezberdinetan parte hartu zuten. Futbolaren atala Qingdao, Tianjin, Shenyang eta Shangai hirietan ospatu zuten, Bela Qingdaoko portuan eta hipika Hong Kongen.

2001eko Uztailaren 13an aukeratu zuen Nazioarteko Batzorde Olinpikoak, bere 112. bileran Moskun. Beijingek 56 botorekin Toronto, Paris, Istanbul eta Osakari irabaziz.

Nazioarteko Batzorde Olinpikoaren 112. Bilera 2001eko Uztailaren 13a, Mosku, Errusia
Hiria		Estatua	Botoak
	Beijing	Txina	44	56
	Toronto	Kanada	20	22
	Paris	Frantzia	15	18
	Istanbul	Turkia	17	9
	Osaka	Japonia	6	-

2007ko Apirilaren 26ean aurkeztu zuten tortxa olinpikoa Beijingen, Nazioarteko Batzorde Olinpikoko presidenteak eta Joko Olinpikoen antolatzaileak.

Tortxaren goiburua, Pasioa piztu eta ametsak erdibanatu izan zen. 130 egunetan 137.000 km ibiltzea zuen helburu eta 23 estatu bisitatzea. Horien artean, Txinako 115 hiri.

Joko hauetako maskota ofizialak 5 izan ziren eta guztiak elkartuta Fuwa deitu zituzten (福娃, zorte onaren umeak). 2005eko azaroaren 11n aurkeztu zituzten, Beijingo Olinpiar Jokoak hasi baino 1.000 egun lehenago. Maskoten izenak hauek ziren: Beibei, Jingjing, Huanhuan, Yingying eta Nini; bakoitzak Běijīng huānyíng nǐ (北京欢迎你) izen bakoitzak aurreko esaldiaren silaba bat errepikatzen du eta esaldiarne esanahia, Ongi etorri Beijingera. Gainera, bost aukeratu zituzten, Olinpiadetako banderak 5 eraztun dituelako eta taoismoak 5 elementu (ura, egurra, sua, lurra eta metala) dituelako.

Jokoetarako egoitzak guztiak Beijing hirian zeuden, zerrendako azken 6 egoitzak alde batera utzitza, hauek Txinako beste hiri batzuetan kokatuta daudelarik. Eraikinik garrantzitsu eta esanguratsuena Nazio Estadioa da, bere itxura moderno eta bereziarengatik.

Postua	Estatua	Urrea	Zilarra	Brontzea	Guztira
1	Txina	51	21	28	100
2	Ameriketako Estatu Batuak	36	38	36	110
3	Errusia	23	21	28	72
4	Erresuma Batua	19	13	15	47
5	Alemania	16	10	15	41
6	Australia	14	15	17	46
7	Hego Korea	13	10	8	31
8	Japonia	9	6	10	25
9	Italia	8	10	10	28
10	Frantzia	7	16	17	40

26 Euskal kirolariek hartu zuten parte Olinpiar Joko hauetan. Denek Espainiako olinpiar taldean hartu zuten parte, kirolariak Hegoaldekoak baitziren, aldiz, ez zen Iparraldeko kirolaririk sailkatu Jokoetarako Frantziar taldean. Esan genezake kirolari gehienak Gipuzkoarrak zirela. Kirolarik gutxien eman zituen lurraldea aldiz, Nafarroa.

Beijingo Olinpiar Jokoetan, 28 kiroletako 302 txapelketa egon ziren. Hurrengo taulan, kirol bakoitza ospatu zen egutegia ikus daiteke. Halaber, finalen egunak noiz izan ziren.

Kirol hauetaz gain beste batzuk ere jokatu ziren erakusketa moduan. Horien artean Wushu-Kung Fu kirola dago, zeinetan euskal federazioa existitzen den. Lehenengo aldia izan zitekeen Euskal Herriak ordezkaritza ofizial bat zuena Olinpiar Joko batzuetan, baina Euskal Autonomia Erkidegoko kirol arduradunak ez zuen eskaria sinatu eta horren ondorioz ezin izan zuen parte hartu. Arrazoietako bat kirol honen federazioa ez onartzea da, Judoaren barruan kokatu beharko litzatekelako.^[1]

• Beijing
• Nazioarteko Olinpiar Batzordea

	2008ko Udako Olinpiar Jokoetako kirolak (Pekin)
Arkua • Atletismoa • Badmintona • Beisbola • Saskibaloia • Boxeoa • Kanoa • Txirrindularitza • Jauziak • Hipika • Esgrima • Belar Hockeya • Futbola • Gimnastika • Eskubaloia • Judoa • Pentatloi garaikidea • Arraunketa • Bela • Tiroa • Softballa • Igeriketa • Igeriketa sinkronizatua • Ping-ponga • Taekwondoa • Tenisa • Triatloia • Boleibola • Waterpoloa • Halterofilia • Borroka