Veneto
Lando	Italio
Ĉefurbo	Venecio
Areo	18345 km²
Loĝantaro	4 847 000 (2022)
Horzono	UTC+1

Veneto (Itale: Veneto elp. vɛneto) estas regiono de nordorienta Italio, kies ĉefurbo kaj plej fama urbo estas Venecio.

Aparte gravas de turisma vidpunkto Venecio, tre konata kaj celata urbo pro siaj monumentoj sed eĉ pli pro sia nekutima kondiĉo kuŝi meze de laguno, sur multaj insuletoj. Estas tamen aliaj urboj kun gravaj monumentoj, kiel Padovo kaj Verono; kaj estas lokoj allogantaj turistojn pro kialoj ne rilataj al monumentoj, kiel la longaj ĉemaraj sablejoj laŭ la Adriatika marbordo, la Dolomitoj en nordokcidenta Veneto, la granda lago Garda ĉe la limo kun Lombardio.

• 
  Venecio
• 
  Padovo
• 
  Verono
• 
  Garda
• 
  Cortina d'Ampezzo
• 
  Abano Terme
• 
  Vicenza
• 
  Delto de Pado

Veneto enhavas 7 provincojn, (la Metropola urbo Venecio, kaj aliaj 6 provincoj), kiuj validas ankaŭ kiel turismaj subregionoj. Sube estas ilia listo kun mallonga priskribo.

Metropola urbo Venecio (Venecio) Adriatika Marbordo apud Venecio, kun lagunoj. Tre grava de turisma vidpunkto estas la ĉarma, historia urbo Venecio.

Provinco Belluno (Belluno, Cortina d'Ampezzo) La alta parto de la valo de la rivero Piave, ankaŭ nomata Cadore, kun la ĉirkaŭaj montoj (okcidente parto de Dolomitoj). Tre grava vintre por la skiamantoj.

Provinco Padovo (Padovo, Abano Terme) Centro de la regiono, riĉa je renesancaj vilaoj; la ĉefurbo Padovo estas historia urbo, grava ankaŭ por la religia turismado

Provinco Rovigo (Rovigo, Adria)

Provinco Treviso (Treviso, Castelfranco Veneto)

Provinco Verono (Verono, Villafranca di Verona, Garda)

Provinco Viĉenco (Viĉenco, Bassano del Grappa, Asiago)