Saltu al enhavo

Amikeco

El Vikicitaro
(Alidirektita el Amiko)
Amikeco
Amikeco
Amikeco
Aliaj projektoj
Amikeco en Vikipedio
Amikeco en Komuneja kategorio
Amikeco en Vikivortaro

amikeco estas sento de amik(in)o, do homo kiu estas ligita kun alia homo per reciproka inklino.

Citaĵoj

[redakti]
Citaĵo
« En niaj tagoj en la homaj rilatoj ne videblas specialaj amo aŭ malamo. En ili precipe ĉeestas ekstera amikeco kaj pli ol ŝajniga afableco, tamen malantaŭ tiu eksteraĵo kaŝiĝas malvarmeco kaj indiferenteco. Haveblas ankaŭ granda parto de apenaŭ sentebla malkonfido. »
— Erich Fromm, La sana socio [1955]
Citaĵo
« Ne povas esti veraj amikoj sen veraj malamikoj. Se ni ne malamas tiun kiu ni ne estas, ni ne povas ami tiun kiu ni estas. »
— Michael Dibdin, Morta laguno [1994]
Citaĵo
« Hundoj subrigardas nin, katoj superrigardas nin. Donu al mi do porkon! Li rigardas rekte niajn okulojn kaj traktas nin kiel egalulojn. » « Dogs look up to you, cats look down on you. Give me a pig! He looks you in the eye and treats you as an equal. »
— Winston Churchill
Citaĵo
« Amikeco inter popoloj ĉiam komenciĝas per amikeco inter unuopuloj. »
— Sabine Dittrich Heredantoj de silentado
Citaĵo
« Kio do estas ol defendi pli justa, kio pli bela ol helpi amikojn?[1] » « τί οὖν ἐστιν ἢ τοῦ ἀλέξασθαι δικαιότερον ἢ τοῦ τοῖς φίλοις ἀρήγειν κάλλιον »
— Ciro la 2-a
Citaĵo
« Vera amiko estas tiu, kiu eniras, kiam ĉiuj eliras. »
— Walter Winchel
Citaĵo
« Kie sukero; tie formiko, kie sufero; tie amiko. »
— Morteza Mirbaghian
Citaĵo
« Deziri senmankajn amikojn, tio estas deziri ami neniun. »
— Sylvestre DE SACY
Citaĵo
« Ĉu amikeco estas ĝi aŭ amo? » « Czy to jest przyjaźń? czy to jest kochanie? (pol.) »
— Adam MICKIEWICZ, Malcerteco
Citaĵo
« Amikeco liberigas el timo kaj servuteco, ĝi estas saĝeco mem »
— Epikuro
Citaĵo
« La paŝoj de amiko estas pli dolĉesonaj ol dolĉaj paroloj »
— Francis JAMMES
Citaĵo
« Estu interspacoj en via kunligo, kaj dancu inter vi la ventoj el l’firmamento. »
— Gibran Ĥalil GIBRAN
Citaĵo
« Ne ekzistas plezuro egale al renkontado de malnova amiko, krom eble farado de iu nova. »
— Rudyard KIPLING
Citaĵo
« Arbo falinta ne havas radikon, homo falinta ne havas amikon. »
— Morteza Mirbaghian
Citaĵo
« Mi aŭdis ternon. Certe estas René Rateau . . . Agrablas tiel aŭdi amikon, meze de la nokto »
— Sempé, Marcellin Caillou
Citaĵo
« Plena estas homo nur kiam li havas malfalsan amikon por lin kompreni, por kunpartigi ĉiujn la siajn pasiojn kaj ĉagrenojn kaj kunstari apud li tutdaŭre la vivon. »
— Susan Polis Schutz
Citaĵo
« Arbon subtenas radiko, homon subtenas amiko. »
— Morteza Mirbaghian
Citaĵo
« Se vi iras for, vi estas mia amiko, se vi restas ĉi tie, vi estas mia amiko »
— tjurka kanzono en Irano, citita far Abbas KIAROSTAMI
Citaĵo
« La unua leĝo pri amikeco estas, ke oni devas ĝin prizorgi, la dua, ke oni estu indulga kiam la unua estas malzorgita. »
— VOLTAIRE
Citaĵo
« Oni por koni junulon, konu lian kunulon. »
— Morteza Mirbaghian
Citaĵo
« Oni kiel tiu estas , kun kiu ofte festas. »
— Morteza Mirbaghian
Citaĵo
« Amiko en bezono estas vera amiko. » « A friend in need is a friend indeed »
— Angla proverbo
Citaĵo
« Se via amiko estas farita el sukero, ne forleku lin tute! »
— Araba proverbo
Citaĵo
« Amo estas blinda, amikeco fermas la okulojn. »
— Otto von Bismarck
Citaĵo
« Por ke amikoj ĉe vi bone fartu, fermu la buŝon,orelojn apertu. »
— Morteza Mirbaghian
Citaĵo
« Nenie ekzistas kato, kiu ja amikas kun rato. »
— Morteza Mirbaghian
Citaĵo
« Pli bonas amiko najbara ol la frato transmara. »
— Morteza Mirbaghian
Citaĵo
« Kion la homoj nomis amikeco, tio estas nur asocio, reciproka flegado de interesoj kaj interŝanĝo de servoj; ĝi estas fine nur negoco, en kiu la memamo ĉiam celas gajni ion. » « Ce que les hommes ont nommé amitié n'est qu'une société, qu'un ménagement réciproque d'intérêts, et qu'un échange de bons offices; ce n'est enfin qu'un commerce où l'amour-propre se propose toujours quelque chose à gagner. »
— François de La Rochefoucauld, Maksimoj p.38-39

El Zamenhofa Proverbaro

[redakti]
Citaĵo
« Al amiko nova ne fidu sen provo. »
Citaĵo
« Amikeco aparte, afero aparte. »
Citaĵo
« Amikeco aparte, ofico aparte. »
Citaĵo
« Amiko de amiko estas ankaŭ amiko. »
Citaĵo
« Amiko en ĝojo kaj malĝojo. »
Citaĵo
« Amiko en ĝojo kaj ploro. »
Citaĵo
« Amiko fidela estas trezoro plej bela. »
Citaĵo
« Amiko -- intimulo. »
Citaĵo
« Donacetoj subtenas amikecon. »
Citaĵo
« Gardu min Dio kontraŭ amikoj, kontraŭ malamikoj mi gardos min mem. »
Citaĵo
« Ili vivas per unu animo en du korpoj. »
Citaĵo
« Por amiko intima ne ekzistas vojo malproksima. »
Citaĵo
« Por amiko komplezo neniam estas tro peza. »
Citaĵo
« Se amiko petas, li neniam ripetas. »
Citaĵo
« Vivi kun iu en fido kaj konfido. »
Citaĵo
« Vivi kun iu en intima amikeco. »

Referencoj

  1. ↑ Ksenofono: Ciropedio 1:5:13

Vidu ankaŭ

[redakti]
Elŝutita el "https://eo.wikiquote.org/w/index.php?title=Amikeco&oldid=46482"