Vella GR

Vella
	Blazono de Vella
	Vella
vilaĝo • former municipality of Switzerland
Kantono	Grizono
Distrikto	Surselva
Komunumaro	Lumnezia/Lugnez
Koordinatoj	46° 43′ 12″ N 9° 10′ 12″ O / 46.72000 °N, 9.17000 °O (mapo)Koordinatoj: 46° 43′ 12″ N 9° 10′ 12″ O / 46.72000 °N, 9.17000 °O (mapo)
Nombro de loĝantoj	434
Areo	7,42 km²
Alteco	1244 m super marnivelo
Poŝtkodo	7144
Komunumkodo	3605
	Mapo de Vella
	v • d • r

Vella (germanlingva kaj ĝis 1987 oficiala nomo estas Villa) estas komunumo de la komunumaro Lumnezia/Lugnez kaj la distrikto Surselva en Kantono Grizono, Svislando. Ĝi havis 434 loĝantojn je la 31-a de decembro 2009.

Geografio

Vella situas en la valo Lumnezia okcidente de la rivero Glogn sur alteco de 1244 m s.m. La komunumo konsistas el la vilaĝo Vella kaj la setlejo Pleif, kie situas la vala preĝejo Sankta Vincenco, kiu estas la plej malnova preĝejo de la valo Lumnezia.

Najbaraj komunumoj

La komunumo Vella limas en nordo al Mundaun, en nordoriento al Morissen, en oriento al Cumbel, en sudoriento al Suraua, en sudokcidento al Degen, kaj en nordokcidento al Obersaxen.

Trafiko

Vella situas ĉe la vojo de Glion/Ilanz al Vrin, sur kiu kondukas poŝtaŭtolinio, per kiu la komunumo estas konektita al la publika transportreto. Estas ankaŭ poŝtaŭtolinioj al Morissen, Uors kaj Degen. De Vella seĝotelfero kondukas al Triel kaj Hitzeggen sur alteco de 2112 m s.m. Per tiu soĝotelfero dum vintro Vella estas konektia al la skiregiono Obersaxen-Piz Mundaun.

Lingvoj

La oficiala lingvo de la komunumo estas la sursilvana dialekto de la romanĉa lingvo. Laŭ la popolnombrado de la jaro 2000 84% de la loĝantaro indikis kiel ĉeflingvo la romanĉan, 14% la germanan kaj 1% la serbo-kroatan lingvon.