Orzens
| Orzens | |
|---|---|
 | |
| Blazono de Orzens | |
| komunumo en Svislando | |
| Kantono | Vaŭdo |
| Distrikto | Vaŭda Nordĵuraso |
| Koordinatoj | 46° 43′ 25″ N 6° 41′ 0″ O / 46.72361 °N, 6.68333 °O (mapo)Koordinatoj: 46° 43′ 25″ N 6° 41′ 0″ O / 46.72361 °N, 6.68333 °O (mapo) |
|
| |
| Areo | 4,20 km² |
| Alteco | 622 m super marnivelo |
| Poŝtkodo | 1413 |
| Komunumkodo | 5925 |
 | |
| Situa mapo de Orzens | |
Orzens estas komunumo en la distrikto Vaŭda Nordĵuraso en Kantono Vaŭdo, Svislando. Ĝi havis 195 loĝantojn je la 31-a de decembro 2012.
Geografio
[redakti | redakti fonton]La komunumo Orzens situas en la molasaj montetoj de la Vaŭda Mezlando, proksimume 8 kilometrojn sude de la Lago de Neŭŝatelo ĉe la okcidenta flanko de la valo de la rivero Mentue kaj sep kilometrojn sudsudoriente de la distriktĉefurbo Yverdon-les-Bains. La komunumo konsistas el la vilaĝo Orzens kaj la setlejo Champs Plats kaj kelkaj izolitaj bienoj.[1]
La teritorio de la komunumo etendiĝas sur areo de 4,20 km², de kiuj 15,5% estas kovritaj de arbaro, 79,8% servas por agrikulturo kaj 4,7% por setlado. [2]
Najbaraj komunumoj
[redakti | redakti fonton]La komunumo Orzens limas en nordo al Cronay, en nordnordoriento al Donneloye, en nordoriento al Bioley-Magnoux, en sudoriento al Oppens, en sudo al Pailly, en sudokcidentoa al Essertines-sur-Yverdon, kaj en okcidento al Ursins.
Trafiko
[redakti | redakti fonton]Orzens situas flanke de la gravaj trafikvojoj. En la komunumo kruciĝas konekta vojo de Gossens al Essert-sur-Yverdon kun la vojo de Ursins al Oppens. La plej proksima alveturejo al la svisa aŭtovojo A1 situas proksimume 7 kilometrojn norde de la komunumo apud Yverdon-les-Bains. Pere de la poŝtaŭtolinio de Yverdon-les-Bains al Bercher la komunumo estas konektita al la publika transportreto.
Historio
[redakti | redakti fonton]La unua dokumenta mencio de Orzens datiĝas el la jaro 1177 kiel Orsens. Dum mezepoko Orzens apartenis une al la Senjorujo Saint-Martin-du-Chêne, poste al Bioley-Magnoŭ, kaj fine formis apartan senorujojn de la familio Orzens. Sub la berna regado de 1536 ĝis la Helveta Revolucio de 1798 ĝi apartenis al la Voktejo Yverdon. Post la Helveta Revolucio ĝi estis atribuita al la Distrikto Yverdon, kiu kun efiko de la 1-a de januaro 2008 surbaze de la administra reformo de 2006 estis integrita al la nova Distrikto Vaŭda Nordĵuraso.[3]
Notoj kaj referencoj
[redakti | redakti fonton]Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Orzens – (Kolekto de bildoj kaj plurmediaj dosieroj)
