Neĝoŝua leporo
 | ||||||||||||||
|---|---|---|---|---|---|---|---|---|---|---|---|---|---|---|
 Neĝoŝua leporo
| ||||||||||||||
| Biologia klasado | ||||||||||||||
| ||||||||||||||
| Lepus americanus Erxleben, 1777 | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Neĝoŝua leporo (Lepus americanus), nomata ankaŭ Varia leporo, estas specio de mamulo de la ordo de lagomorfoj de la familio de Leporedoj kiu troviĝas en norda Nordameriko. Ĝi havas la nomon "Neĝoŝua leporo" pro la grando de siaj malantaŭaj piedoj kaj la markoj kiujn ĝia vosto faras. La piedoj de la animalo malhelpas sian enprofundiĝon en neĝo kiam ĝi saltas kaj piediras. La piedoj havas ankaŭ felon en polmoj por protektiĝi el frostaj temperaturoj.
Aspekto
[redakti | redakti fonton]
Por kamuflado, ties felo turniĝas blanken dumvintre kaj ruĝecbrunen dumsomere. Ties flankoj estas blankaj la tutan jaron. La Neĝoŝua leporo estas ankaŭ distingebla pro la nigraj tufoj de felo sur la bordo de la oreloj. La oreloj estas pli mallongaj ol tiuj de plej parto de aliaj leporoj.
Kutimoj
[redakti | redakti fonton]Somere ili manĝas plantojn kiaj herbo, filiko kaj folioj; vintre ili manĝas bastonetojn, arboŝelon kaj burĝonojn el floroj kaj plantoj kaj, same kiel la Arkta leporo, oni scias ke ĝi manĝis kadavraĵojn el kaptitaj predoj.[1] Leporoj estas kanibalaj laŭ disponeblo de mortintaj samspecianoj, kaj oni scias, ke ĝi manĝas mortintajn rodulojn kiaj muŝoj pro malalta disponeblo de proteinoj en herbomanĝanta dieto. Ĝi estis foje vidata manĝanta en etaj grupoj. Tiu animalo estas ĉefe aktiva dumnokte kaj ne vintrodormas.
La Neĝoŝua leporo povas havi ĝis kvar naskarojn jare de averaĝe 3 al 8 idoj. Maskloj konkurencaj por inoj kaj inoj povas pariĝi kun kelkaj maskloj.
Subspecioj
[redakti | redakti fonton]Oni agnoskas 6 subspeciojn de tiu nearktisa specio :
- Lepus americanus americanus
- Lepus americanus bairdii
- Lepus americanus cascadensis
- Lepus americanus dalli
- Lepus americanus struthopus
- Lepus americanus virginianus
Disvastiĝo
[redakti | redakti fonton]Ĝia teritorio enhavas preskaŭ la tutajn Kanadon kaj Alaskon, escepte la plej nordaj bordoj, nordokcidentan Usonon kaj iom pli sude laŭ la montoĉenoj ĝis norda Arizono kaj centra Kalifornio kaj montaron de nordorienta Usono en Apalaĉoj.
Referencoj
[redakti | redakti fonton]- ↑ Snowshoe Hare (HTML). eNature: FieldGuides. eNature.com (2007). Alirita 2008-03-23 . Arkivita kopio. Arkivita el la originalo je 2009-01-16. Alirita 2009-09-03 .
Vidu ankaŭ
[redakti | redakti fonton]- Brit-kolumbiaj kontinent-marbordaj arbaroj
- Malaltebenaĵaj arbaroj de Sankt-Laŭrenca Golfo
- Malaltebenaĵaj arbaroj oriente de Grandaj Lagoj
- Novanglaj-akadiaj arbaroj
Eksteraj ligiloj
[redakti | redakti fonton]
- Hinterland Who's Who Arkivigite je 2011-09-27 per la retarkivo Wayback Machine
- Environmental Education for Kids!: Critter Corner Arkivigite je 2012-03-18 per la retarkivo Wayback Machine
- National Park Service Arkivigite je 2006-06-20 per la retarkivo Wayback Machine
- Snowshoe hare at Animal Diversity Web