Nava de Roa
| Nava de Roa | |||
|---|---|---|---|
municipo en Hispanio  vd
| |||
| Administrado | |||
| Poŝtkodo | 09318 | ||
| En TTT | Oficiala retejo [+] | ||
| Demografio | |||
| Loĝantaro | 206 (2023) [+] | ||
| Loĝdenso | 9 loĝ./km² | ||
| Geografio | |||
| Geografia situo | 41.613611111111-3.965Koordinatoj: 41° 37′ N, 3° 58′ U (mapo) [+] | ||
| Alto | 794 m [+] | ||
| Areo | 22,41 km² (2 241 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Nava de Roa [+]
| |||
Nava de Roa estas vilaĝo kaj municipo, en la provinco Burgoso, regiono Kastilio kaj Leono, Hispanio. Ĝi apartenas al la distrikto Ribera del Duero, en la jurisdikcio de Aranda de Duero.
Geografio
[redakti | redakti fonton]Ĝi havas areon de 22,41 km² kun 206 loĝantoj (2021).
Historio
[redakti | redakti fonton]La areo apartenis unue al la Regno Kastilio. En Mezepoko okazis reloĝado fine de la 9-a jarcento.
La 19-a jarcento estis dekadenco. Unue la loko estis detruita (1836) dum la Unua Karlisma Milito fare de la karlisto Miguel Gómez Damas. Krome okazis plago de filoksero kiu ruinigis la vitejojn de la zono. Ekde tiam la loĝantaro pli kaj pli malpliiĝis.
En Nava de Roa estis malliberigita Juan Martín El Empecinado, fama gerilano kiu luktis kontraŭ la napoleonaj trupoj kaj poste kontraŭ la absolutisma reĝimo de Fernando la 7-a, post sia kapturo ĉe Olmos de Peñafiel (1823). Poste li estis transdonita al Roa de Duero, kie estis ekzekutita en 1824.
Aktualo
[redakti | redakti fonton]Tradiciaj enspezofontoj estis agrikulturo (cerealoj, vitejoj), kaj brutobredado (ŝafoj). Lastatempe plej ekgravis kultura kaj rura turismo, ekzemple piedirado tra naturaj lokoj.
Monumentoj
[redakti | redakti fonton]- Paroĥejo Sankta Antolino Martiro. Konstruita en la 17-a jarcento kaj ampleksigita dum la 18-a jc., ĝi havas barokan fasadon kaj novklasikan turon.
- Ermitejo de Sankta Anna, en la monto Calvario, barokstila kaj en ruinoj. En ĝia eno troviĝas la municipa tombejo.
Festoj
[redakti | redakti fonton]La plej grava festo estas la Tago de Sankta Antolino Martiro (2an de septembro). Alia festo estas la Tago de Sankta Gregorio (9an de majo).