Kvaso

Kvaso (ruse квас) estas freŝiga trinkaĵo, havanta pro fermentado iomete da alkoholo, acido kaj karbona gaso.

Kiel fari kvason hejme: Komence necesas sekigi en bakujo pecojn de sekala pano, ĝis ilia koloro iĝas malhelbruna. Poste aldonu bolakvon (80 °C) kaj atendu kvar horojn. La infuzaĵon filtru, aldonu sukeron kaj giston. Metu la ujon en varmetan lokon. Post ok horoj refiltru kaj malvarmigu la infuzaĵon.

Ankaŭ kvaso estas ĉefa ingredienco de la populara rusa malvarma supo — okroŝko (ruse окрошка), kiun oni preferas kuiri kaj manĝi somere.

• Hiroyuki Usui (2013-05-29). Kvaso — ĉu ĉio transmara estas ĉarma kaj kara? (esperante). El Popola Ĉinio. Arkivita el la originalo je 2013-09-19. Alirita 2013-09-19 . (pri kvaso produktata kaj vendata en Ĉinio)