Ken Kesey

Ken Kesey
Persona informo
Ken Kesey
Naskiĝo	17-an de septembro 1935 (1935-09-17) en La Junta
Morto	10-an de novembro 2001 (2001-11-10) (66-jaraĝa) en Sacred Heart Medical Center University District
Mortis pro	Naturaj kialoj vd
Mortis per	Hepata kancero vd
Tombo	Kesey Family Farm Cemetery (en) vd
Lingvoj	angla vd
Loĝloko	Springfield vd
Ŝtataneco	Usono vd
Alma mater	Universitato de Oregono Universitato Stanford Springfield High School (en) vd
Familio
Patro	Fred Alvin Kesey (en) vd
Patrino	Geneva Wilma Smith (en) vd
Infanoj	Sunshine Kesey (en) vd
Profesio
Okupo	verkisto verkisto de porinfana literaturo eseisto romanisto luktisto vd
Laborkampo	Literaturo kaj postmoderna literaturo vd
Verkado
Verkoj	Unu Flugis super la Kukola Nesto ❦ Sometimes a Great Notion vd
En TTT	Oficiala retejo vd
vd	Fonto: Vikidatumoj
v • d • r

Ken Kesey (La Junta (Kolorado), 17-an de septembro 1935 – Eugene (Oregono), 10-an de novembro 2001) estis usona verkisto kiu ludis elstaran rolon en la ekesto de la kontraŭkulturo en la 1950-aj kaj 1960-aj jaroj en Usono.

Kesey havis tipan junaĝon de la model-usonano: li trapasis kristanan edukadon, bone progresis en la lernejo per luktado kaj havis belegan universitatan karieron en la antaŭvido. Li efektive iris al la Stanford-universitato, kie li travivis sperton kiu radikale ŝanĝus lian vivon. Por perlabori monon li kunlaboris en esploro de la fakultato psikologio ĉe kiu oni testis la efikojn de la uzado de drogoj (i.a. LSD kaj meskalino). Drogoj fariĝus revenanta fenomeno en la vivo de Kesey kaj li decidis fariĝi verkisto. Por gajni la porvivon li fariĝis salongardisto de psikiatria sekcio de loka hospitalo, kio inspiris lin verki sian unuan romanon One Flew Over the Cuckoo's Nest (1962).

Por la verkado de sia dua libro Kesey transloĝiĝis al La Honda en Kalifornio. Tie li verkis la romanon Sometimes a Great Notion (1964), pri la kontrasto inter la tipa individuismo de la usona okcidenta marbordo kaj la intelektismo de la orienta marbordo. Ke Kesey estis allogita de la unua montriĝis el la festoj kiujn li organizis. Tiuj havis tre propran karakteron kun psikedeliaj efikoj kiel lumspektakloj, fluoreska farbo kaj la uzado de LSD. Sufiĉe ironie Kesey tial nomis tiujn feston Acid Tests. Grupo kiu regule aperis estis The Warlocks. Pliposte ĝi akiris grandan konatecon kiel Grateful Dead.

En 1964 Kesey kun amikoj - kiuj nomis sin Merry Pranksters - organizis vojaĝon al Novjorko kiu famiĝus. Neal Cassady kaj Kesey laŭvice stiris aŭtobuson kiu aspektis bizare kaj alvenis en la plej strangaj lokoj. La aŭtobuso fariĝis simbola por la nova kontraŭkulturo en Usono. La aŭtobuso kun la nomo 'Furthur' kaj la tipaj Merry Prankster-artesprimoj fariĝis la simbolo de la renoviĝo kaj de la ali-esto ol la "cetero": "Are you on or off the bus?" fariĝis la slogano. Grandaj partoj de la vojaĝo estis registritaj sur filmo, kiu pliposte estis uzata dum la de Kesey organizitaj festoj. En Novjorko Kesey konatiĝis kun aliaj korifeoj de la Beat-generacio: ekzemple Jack Kerouac, Allen Ginsberg kaj Timothy Leary.

Intertempe la aŭtoritatoj interesiĝis en la reprezentantoj de la 'nova tempo' kaj Kesey estis arestita pro la uzo de mariĥuano. Post liberiĝo el la prizono Kesey foriris al Pleasant Hill (Oregono) por dediĉi sin al sia familio. Nur en 1992 aperis lian trian romanon Sailor Song, kvankam li tamen publikigis pli etajn verkojn.

En 2001 Kesey mortis je 66-jaraĝo pro la sekvoj de hepato-kancero.

• One Flew Over the Cuckoo's Nest (1962)
• Sometimes a Great Notion (1964)
• Kesey's Garage Sale (1972)
• Demon Box (1986)
• Caverns (1990)
• The Further Inquiry (1990)
• Sailor Song (1992)
• Little Tricker the Squirrel Meets Big Double the Bear (1992)
• Last Go Round (1994)
• The Sea Lion: A Story of the Sea Cliff People (1995)
• Twister (1999)

• biografio kun foto (angle) Arkivigite je 2018-08-14 per la retarkivo Wayback Machine