Jozefo Wasniewski

Jozefo Wasniewski
Persona informo
Aliaj nomoj	Duduś
Naskiĝo	3-an de junio 1858 (1858-06-03) en Złoty Potok
Morto	19-an de februaro 1897 (1897-02-19) (38-jaraĝa) en Varsovio
Mortokialo	Aneŭrismo
Tombo	Tombejo Powązki en Varsovio
Lingvoj	Esperanto • pola • sveda
Ŝtataneco	Rusia Imperio Pollando
Subskribo
Okupo
Okupo	esperantisto kolumnisto kontisto ĵurnalisto verkisto
Verkoj	En la brikejo
Esperanto
Esperantisto numero	2572
v • d • r

Jozefo WASNIEWSKI (Józef WAŚNIEWSKI) (naskiĝis la 3-an de junio 1858 en Złoty Potok, nun la distrikto Częstochowa, mortis la 19-an de februaro 1897) estis pola esperantisto kaj ĵurnalisto.

Li estis unu el la plej agemaj pioniroj de Esperanto, "nia Apostolo en Polujo" (Lingvo Internacia n-ro 3/1897). Liaj verkoj troviĝas en La Esperantisto, Lingvo Internacia kaj Fundamenta Krestomatio. En 1896 lia originala novelo En la brikejo estis premiita dum la unua konkurso de Esperanto-literaturo. Li kiel la unua komencis la tre gravajn vojaĝojn inter-Esperantistajn.

Post la morto de Waśniewski, kaŭzita de aneŭrismo, Valdemar Langlet dediĉis al li la poemon Al la memoro de Josef Wasniewski, kiu troviĝas en Fundamenta Krestomatio. Otto W. Zeidlitz verkis pri li la poemon Al memoro de J. Wasniewski, kiu troviĝas en Lingvo Internacia.

Waśniewski estis pioniro de Esperanto-turismo. Li korespondis kun esperantistoj el Norvegio kaj Svedio, rezulte de kio li komencis vojaĝi en Skandinavio. Waśniewski lernis la svedan, popularigis informojn pri Skandinavio en Pollando, kaj pri la pola literaturo – en Svedio. En la pola ilustrita semajngazeto Wędrowiec (Vagabondo) Waśniewski publikigis la serion de artikoloj Wspomnienia z podróży na północ (Rememoroj el la vojaĝoj al la nordo)^[1].

• En la brikejo, 1898, Nurenbergo, Tümmel.

• esperante Nekrologo verkita de Vladimir Gernet en Lingvo Internacia
• pole Pollingva nekrologo de Wasniewski en Przegląd Tygodniowy Życia Społecznego, Literatury i Sztuk Pięknych, Varsovio, 15 (27) de februaro 1897

Ĉi tiu artikolo ankoraŭ estas ĝermo pri polo kaj esperantisto. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).