IJK 2015
| IJK 2015 | ||
|---|---|---|
| Loko | Wiesbaden,  Germanio
| |
| Ekde | 2-a de aŭgusto 2015 | |
| Ĝis | 9-a de aŭgusto 2015 | |
| Oficiala retejo | ijk2015 | |
| ← Antaŭa | Sekva → | |
.jpg)
La 71-a Internacia Junulara Kongreso (IJK) de TEJO okazis de la 2-a ĝis la 9-a de aŭgusto 2015 en Wiesbaden, Germanio[1]. La urbo estis elektita de la estraro de TEJO kiel la ununura kandidata urbo la 31-an de decembro 2013[2].
En la sama jaro la 100-a Universala Kongreso de Esperanto okazas en Lillo, Francio.
Programo
[redakti | redakti fonton]Temo de la kongreso estas Tutmonda justeco: La kongresanoj intencas lumigi tiun temon el diversaj flankoj, interŝanĝi personajn opiniojn pri juĝa, lingva kaj socia justeco, kaj eldiskuti ĉu justeco entute ekzistas, kiel oni komprenu ĝin nuntempe kaj kiel eblas kontraŭstari maljustecon en la persona ĉiutaga vivo.[3] Al la temo aludas ankaŭ la kongresa emblemo, kiu prezentiĝas kvazaŭ jurista pesilo, kun la litero "j" (por "junulara", sed ĉi-kuntekste ankaŭ por "justeca") en la centro.
Same grave, en la vespera kaj nokta programo la kongreso celas prezenti "buntan mikson el diversaj landoj, stiloj kaj famecoj - specife por juna publiko". Respondecas pri la vespera programo Leo Sakaguchi (konata kiel DJ Leo) kaj Jonas Marx (Jonny M), kiujn la kongresa retejo entuziasme prezentas esti "konataj en Esperantujo por neforgeseblaj etosoj en la tuta mondo, de Azio tra Eŭropo ĝis Sudameriko". Gravas al la organizantoj ke la kongresanoj ĝuu la "koncertojn kun dancigaj ritmoj, tutplena ĝojo aŭ pensigaj tekstoj en la plej bona sona kvalito."[4]
Organiza teamo
[redakti | redakti fonton]Jen estas listo de organizantoj (alfabete ordigita):
- Julia Berndt - eksteraj rilatoj
- Walter Bruno - movada programo
- Lobo Fenris - kasisto
- Annika Förster - ĉeforganizantino
- Roĉjo Huurman - kunordigado de programo
- Romualda Jeziorowska - tema programo
- Tabea Maltry - eksteraj rilatoj
- Nicole Klünder - kinejo, kongresa libro
- Jonas Marx - vespera kaj nokta programo
- Johannes Mueller - ekskursoj
- Julia Noe - gufujo
- Arina Osipova - distra programo
- Emanuele Regano - administrado
- Alekĉjo Raymond - trinkejo
- Jarno Riefer - kasisto
- Dorota Rodzianko - administrado
- Leo Sakaguchi - loka kunordigado, vespera kaj nokta programo
Informiga impakto
[redakti | redakti fonton]Okazigo de IJK 2015 kaŭzis elsendon de informiga programero kadre de porinfana novaĵprogramo en germania televidkanalo ZDF je la 3-a de aŭgusto 2015.[5] La televidkanalo post la elsendo publikigis ankaŭ informigan videon originalan kaj tradukitan en Esperanton en retejo de la programero.[6] Krome aperis ankaŭ kelkaj novaĵartikoloj pri IJK kaj Esperanto en lokaj gazetoj.
Referencoj
[redakti | redakti fonton]- ↑ IJK 2015 okazos en Wiesbaden, Germanujo. TEJO (1-a de januaro 2014). Arkivita el la originalo je 2014-10-06. Alirita la 2-an de februaro 2014 .
- ↑ IJK 2015 okazos en Germanio. Libera Folio (1-a de januaro 2014). Alirita la 2-an de februaro 2014 .
- ↑ informo pri la tema programo en la kongresa retejo. Arkivita el la originalo je 2015-06-23. Alirita 2015-06-22 .
- ↑ informo pri la vespera programo en la kongresa retejo. Arkivita el la originalo je 2015-06-23. Alirita 2015-06-22 .
- ↑ ZDF (2015-08-03). logo! am Montagabend (germane). Alirita 2015-08-04 .
- ↑ ZDF (2015-08). Esperanto - eine Sprache für alle? (germane). Alirita 2015-08-20 .[rompita ligilo]
Vidu ankaŭ
[redakti | redakti fonton]Eksteraj ligiloj
[redakti | redakti fonton]- http://ijk2015.tejo.org/de/, http://ijk2015.tejo.org/it/, http://ijk2015.tejo.org/pl/ Oficiala retejo (esperante, germane, itale kaj pole)
- prezenta artikolo en la urba novaĵretejo tv-wiesbaden.de fine de julio 2015 Arkivigite je 2015-07-25 per la retarkivo Wayback Machine (germane)
- "lingvo kiu ligas", germanlingva artikolo pri la kongreso fine de julio 2015 en la gazeto Frankfurter Rundschau (germane)
| ||||||
