Granda pesto de Londono
La granda pesto de Londono (anglalingve Great Plague of London) estis masiva epidemio en Londono en 1665 kaj 1666, kiu mortigis inter 75 000 kaj 100 000 homojn kaj proksimume unu kvinonon de la londona loĝantaro. La malsano estis historie identigita kiel pesto transdonita per ratoj. La granda pesto de Londono montriĝis multe malpli grava ol la "Nigra morto", kiu afliktis la tutan Eŭropon inter 1347 kaj 1353. Ĝi restas tamen konita kiel la "granda" pesto, ĉar ĝi estis unu el la lastaj pestepidemioj en Anglio.
La peston sekvis la granda incendio de Londono en 1666.