Flago de Barejno

La nacia flago de Barejno (arabe: علم البحرين‎) konsistas el blanka bendo maldekstre, apartigita de ruĝa areo dekstraflanke per kvin trianguloj kiuj funkcias kiel segildenta linio.

Ruĝa estas la tradicia koloro por flagoj de la arabaj ŝtatoj de la Persa Golfo. La blanko estas sur la hisflanko; la kvin trianguloj reprezentas la kvin kolonojn de Islamo. Ĝi estas tre simila al la flago de Kataro, kiu havas pli da blankaj trianguloj kaj havas pli malluman ruĝecon.